Sunday, October 2, 2016

Sourashtra Vyakarana Vallari - By T.M.Ramarai.


(92) அஸமாபக க்ரியா வர்தமான காலுகு ஸத்ரர்த2கம் மென்னாவு.  
ஐஸத்ரர்த காகு, துஅதுதுன்அதுன். இத்யாதி3 ரூபுன் தா4து
ஹோரவை. () அவது ரி:யாஸி = அவத் ரி:யாஸி.
அவத்3த்4ரி:யாஸிஅவதுன் ரி:யாஸி                            
அவரி:யாஸிஅவர்யாஸி, அவர்ரி:யாஸிஅவதுன் ரி:யாஸி
அவிலேதுன் ரி:யாஸிஅவுலேத்3த்4ரியாஸி
ஔலர்யாஸிஔலர்ரி:யாஸி.
துன்அதுன்இத்யாதி3 ரூபுன் லுக்க்யாவேதி, க்3ராம்ய தா4து ரூபுன் மெனாஸு.
(93) அஸமாபக க்ரியா பூ4தகாலுகு க்த்யார்த2கம் மென்கினி ல்யப3ந்து மென்கினி ஸங்கி3னி பொட3ஸு. எமாகு ஈனுப்ரத்யயொ அஜந்த தா4துனுகுலகி3தெ3ஸை. பீ2ரு ஹலந்த தா4துகு இன் ப்ரத்யயொ லகி3தெ3ஸை. க்3ராம்ய ல்யப3ந்த தா4துகு இகாரு மாத்ரம் லகோயி. () ரீ:னுரெ:யினு ஸீனுஸெயினுதீ3னுபீனு, ஹொயினுஹொய்னுஹொயின்ஸெயின்ரெ:யின்ஜெயினுஜெயின்ஜெய்னு இத்யாதி3 ரூபுன் அஜந்த ல்யப3ந்தாவ்யாந்துன் மெனி களைலுனொ. ஹலந்த தா4துகு ஸங்கி3 – ஸங்கி3னுஸங்கின்அவிஅவினுஅவின்  ஏதா4னுகு தீ2ன் தீ2 ரூபுன் ஸே மெனி களைலுனொ. இத்யாதி3.
(94) வர்தமான கால விஸேஷணாகு அத்தெ, தெ, தகாரு ப்ரத்யயானு தா4துகு லகை3. () அவத்தெ மெனிகுஅவது மெனிகுஅவத்மெனிகு. ஏ தி2னூ ரூபுனவை மெனி களைலுனொ.
(95) பூ4தகால விஸேஷணாகு தா4துகு ஏ, ப்ரத்யயொ லகை3.
() அவேமெனிகுஅவெ மெனிகு, ஸங்கே3 வத்தொஸங்கெ3 வத்தொ இத்யாதி3 ரூபுன் களைலுனொ.
(96) வர்தமான் பூ4த கால விஸேஷணாகு கு, நாத்தெ, நாத ஏ தீ3ரூபுன் தா4துகு லகை3. () ஔனாத்தெ வத்தொஔநாதவத்தொ, ரா:னாத்தெ வத்தொரா:னாதவத்தொ,
லஜ்னாத்தெ கே4ரளிலஜ்நாத கே4ரளி இத்யாதி ரூபுன் களைலுனொ.
(97) விதி4 கால விஸேஷணாகு அந்தெஅந்தே ஏ தீ3 ப்ரத்யயானு லகை3. () அவந்தெ ரீதிஅவந்தே ரீதி, ஸங்க3ந்தெ வத்தொஸங்க3ந்தே வத்தொ, ஹொந்தெ வத்தொஹொந்தே வத்தொ இத்யாதி3.
(98) துமு நாந்துகு வெனு, வென், அனு, அன், தெகுதொகு. ஸொவீ ரூபுன் ஒகெ தா4துகு லகை3. () :வெனு, :வென், ரா:னு, ரா:ன், ரா:த்தெகு, ரா:த்தொகு, ஸங்க்3வெனுஸங்க்3வென்ஸங்க3னுஸங்க3ன்ஸங்க3த்தெகு  - ஸங்க3த்தொகு இத்யாதி3.
(99) க்3ராம்ய தமு நாந்துகு, தெகொதொகொ ஏ தீ3 ரூபுன் தா4துகு லகை3. () ஜாத்தெகொஜாத்தொகுஸங்க3த்தெகொஸங்க3த்தொகொ இத்யாதி.
(100) ததாந்தரீதின் ஏ தி2னூ ரூபுன் தா4து ஹோரவின் க்ரியா ஜன்யவிஸேஷண கால ரூபுன் ஹோஸு.  () ஸங்கு3ஸங்கு3தாம் ஸங்கு3த். ஏ தீ2ன் ரூபுன் கால நிர்ணயொ களட3ஸு. ஸங்கு3த மெந்த ஸங்க3த்தெ2ப்3பொ3 – ஸங்க3த்தெ வேளு மெனி அர்து2 களைலுனொ.
(101) க்ரியாஜன்ய கால தோ4ரணிகு யாகுப்ரத்யயொ தா4துகு லகை3.  () அவ்யாகு, ஜியாகுமென்யாகுதி3யாகுஹொத்யாகுபி3ஸ்யாகுஹுட்யாகு இத்யாதி3.
(102) காலா வஸான க்ரியா விஸேஷணாகு நாக்காமுநாத்காமு ஏ தீ3 ருப்புன் ஒண்டொண்ட்யொ தா4துகு லகி3 தெ3ஸை. () ஔநாக்காமுரா:நாக்காமுதே3நாத்காமுதேநாக்காமு, தெ3க்கானாக்காமுஸங்கு3நாக்காமுஸங்குநாத்காமு இத்யாதி3.
(103) நிமந்த்ரண விஸேஷண காலுகு, விதி4க்ரியா ஹோரு ஸேத்தெ மெனெ உபக்ரியொ லகி3தெ3ஸை.  () ஹொனஸேத்தெ காமு, கெர்னொஸேத்தெஔனஸேத்தெ ரீணுகெர்னஸேத்தெ தெ4ருமு:னஸேத்தெ ரீதிசல்னொ ஸேத்தெ மார்கு3 – ஐகுனொஸேத்தெ நீதி இத்யாதி3.
(104) ஸம்பா4ஷ்ய தா4துகு வர்த்மான காலுமு நபும்ஸக லிங்கு3ம் வினா தா4துகு ஆஸ, ப்ரத்யயொ லகை3. ஏ தா4துகு கர்து ஜுடி3 சதுர்தீ2 விப4க்தி ஹோயி. () மொகொ ர:வாஸுமொகொ ஸங்கா3ஸு. பூ4தகாலுமு  யஸி, ப்ரத்யயொ லகை3. () அவயெஸிஸவயெஸிஸங்க3யெஸி. 4விஷ்யத்காலுமு ஆயி, ப்ரத்யயொ லகை3. () :வாயிதெ3வாயிஸங்கா3யிமெனாயி.
விதி4காலுமு தெ3வானஸேஸங்கா3னஸே- ஹொவானஸே. பீ2ரொண்ட விதி4 காலுமுஆண்டகு மெனத்திஸா ப்ரத்யயொ தா4துகு லகை3. () அவாந்தகுதெ3வாந்த3குஜவாந்த3கு
ஸங்கா3ந்தகு இத்யாதி.
(105)
ஸம்பா4வ்ய தா4துனு கஸ்காகு பா4வவ்யதிரேக தொ4ரணின்கினி அகர்மக ஸகர்மக ரூபுனுகு ப்ரேரண ரூபுன் மெளாதுகு ஸே மெனி பா4வ தா4து ரூபுனும் ஸொகன் களைலுனொ. இத்யாதி3.
(106)
நாம க்ரியாகு தா4துகு இனி, நி, ஏ தீ3 ப்ரத்யயான் லகை3. () :னிமென்னிபெனி2னிஸங்கி3னிஜன்னி. இத்யாதி3.
(107)
நாம பா4வ தா4துகு தெ, யொ. ஏ தீ3 ப்ரத்யயான் லகை3. () ஹோத்தெ திஸாகெ = ஹோத்திஸாகெ. ஸங்கெ3யொஜியெயொஸங்கெ3யெஜியெயெ, ஜாத்திஸானுகெஜாத்திஸான்க்யொஅவத்த்ஸான்க்யெஅவத்திஸான்க்யொ, பேத்திஸான்க்யெபேத்திஸான்க்யொ இத்யாதி3.
(108) தா4துன் கர்தரி ப்ரயோகு3மு நா:த்தொ, கர்மணி ப்ரயோகு3ம் மெள்ளி நுக3ஸு, நாம தா4துகு பொட்3 மெனத்திஸா உபதா4து லகெ3தி கர்மணி ரூபு ஹோஸு.
(109) கர்மணி ப்ரயோகு3 மெந்த ஒண்டொ வாக்யாம் ஸேத்தெ கர்தொ கு2ணத்தெனஹோஸு. மெந்த தா4துகு கர்ம ஹொயெதி மெள்ளி, த்யேதா4து கர்மணி தா4து மென்னாவு. () சிடி3 மஞ்ஜிரி ஹாலி தெ4ர்னிபொடெ3ஸி. எமொ மஞ்ஜிரி சிடி3 கர்தொ. ஹெ4ரெஸி மெனத்தேஸி க்ரியா போ2ளுகு2ணெஸி. ஹாலிம் தெ4ர்னி பொடெ3ஸி மெனத்தெ க்ரியொ. கர்மணி ப்ரயோகு3 மென்னாவு. கர்மணி ரூப்ஸகர்மக க்ரிய ஸொகன் ஹோஸு. ஹொயெதி மெள்ளி அகர்மக க்ரியான் மெள்ளி ப்ரேரண தா4துன் ஹொய்னு ஹிகின் கர்மணி ரூபு ஹோஸு. அகர்மக தா4துன் ப்ரேரண ரூபு ஹொதாம், எல்த்யொ ஸகர்மக தா4துன் ஹொய்லஸு. () கொ4டொ3 சலெஸிகொ4டா3கு சலடெ3ஸிகொ4டொ3 சலண்ணி பொடெ3ஸி, இத்யாதி3 களைலுனொ.
(110) கர்தரி ப்ரயோகு3 மெந்த ஒண்டொ வாக்யாம் ஸேத்தெ கர்தொ த்யே வாக்யாம் ஸேத்தெ காம் கெர்னாரு ஹோஸு. () மஞ்ஜிரி சிடி3கு தெ4ரெஸி. எமொ மஞ்ஜிரி கர்தொதெ4ரெஸி மெனத்தெ காம் கெர்னாரு ஹொயெஸி. ராம கி லாரி ஸாள்கிரெஸி. எமொ ராம கி லாரி மென்னாரு கர்தொ, கிரெஸி மெனத்தெ காம் கெர்னாரு. ஹாலிமு தெ4ரெஸிகிரெஸிமெனத்தெஸி. க்ரியானுகு கர்தரி ப்ரயொகு3 மென்னாவு.
(111) பரஸ்மைவதி3 மென்கினி ஆத்மனேவதி மென்கினி தீ3 வித4 தா4துன் ஸேத்தெ. பரஸ்மைவதி3 மெந்த க்ரியா போ2ளு. அஸ்கி தெங்கொ மிளத்திஸானு கெ. () தெனொ எகொ பொ3வொஸு.இத்யாதி3.
(112) ஆத்மனே வதி மெந்த க்ரியா போ2ளு கர்தொஸி கா2த்திஸான்கெ. () தெனொ காம் கெருலஸு. தெனொதீ3லஸு.
(113) ஆத்மனே வதி3 தா4துகு  ‘ல ப்ரத்யயொ லகி3னவை. () தெனொ காம் கெருலஸு. கெர்லயி. தீ3லயி. ரீ:லயி.
(114) வ்ருத்3தி4 கால க்ரியாகுலேத், ப்ரத்யயொதா4துகு லகை3. () அவிலேத் ரி:யெஸி. ஸங்கி3லேத் ரி:யெஸி.

                ஸப்33 ப்ரகரணொ ஸம்பூர்ணு.

(to be continued)

No comments:

Sourashtra Class Room