Sourashtra Vyakarana Vallari - By T.M.Ramarai. (continued)

(67) ஏ பா⁴ஷாம் நபும்ஸக லிங்கு³ம் த்³விதீயா விப⁴க்தி, ப்ரத²மா விப⁴க்தி ஸொகன் ஸேத்திஸானுகெ. (உ) அரே க்ருஷ்ணா ஸமித் க²ட்டின் நைமிஸாரண்யாகு ஜைனு க²ள்யாவி, ஏ வாக்யுனும் ஸமித் க²ட்டின் மெந்த ஸப்³து³ த்³விதீயா விப⁴க்தி ஹோஸு.
ஸமித் க2ட்டி ஏ ராணும் கொட்டி அப்³ப³னி, ஏ வாக்யாம், ஸமித் க²ட்டி மெனத்தெ ஸப்³து³ ப்ரத²மா விப⁴க்தி ஹோஸு. ஹாலிமு ப்ரத²மா விப⁴க்திக்கினி த்³விதீயா விப⁴க்திகு ரூபு பே⁴து³ன் ஜுண்ண. மெகி, அர்து பே⁴துன் ஸேத்தேஸி மெனி களைலுனொ.

(68) நபும்ஸகலிங்கு³ம் ஸம்போ³த⁴ன விப⁴க்தி ஜுண்ண. ஹாலிம் நபும்ஸக லிங்கு³ம் ஸாத் விப⁴க்தின் மெனி களைலுனொ. ப்ரதி வாசிம் (ப³த்³னவாசிம்) மெள்ளி ஸம்போ³த⁴ன விப4க்தி ஜுண்ண.

                  ப்ரதி வாக்யு வர்கு³ ஸம்பூர்ணு.

                        நிக்⁴ன வாசி வர்கு³

(69) நிக்⁴னவாசி மெந்த, விஸேஷண வாசி மென்னாவு. விஸேஷண வாசி மெந்த, வஸ்து கு³ண்ணுன் களட³த்திஸானுகெ. (உ) எனொ சொக்கட்³ மெனிகு. ஏ வாக்யாம் சொக்கட்³ மெநத்தேஸி நிக்⁴னவாசி. சொக்கட்³மெனஸ்தான்கெ மெனிகு கு³ண்ணு களட³ஸு.

(70) நிக்⁴ன வாசிமு கு³ண்ணுன் ஸப்³த³ ஸ்பர்ஷ ரூப ரஸ க³ந்து⁴ன் மெனத்திஸானு. ஏ பஞ்சூ விஷயானு ஹாலி ஏ பஞ்சூயெமொ ரீ:னு கு³ண்ணுன் க்³ரஹண கெர்லுன ஸேத்தெ. சொக்கடு³ தி⁴ல்லொ, ஸ்பர்ஷு லெந்த ஜன்ன ஸேத்தெ. வாசி = ஹுன்னொ, ஸிள்ளொ. ரூபுலெந்த ஜன்னஸேத்தெ = உஞ்சொ – கா²லு, பெஷாவ்-அக்ரொ, பள்டொ-ஜடொ³, ந:ன்னொ-மொ:ட்டொ. ரஸ கு³ண்ணு ஹாலி ஜன்ன ஸேத்தெ விஸேஷண வாசி = கு³ள்ளெ,திக்கெ, அம்ப³ட், கஸ்னி, கொடு³, திர்சென், கெ²ருடு³. க³ந்து⁴ ஹாலி ஜன்னொ ஸேத்தெ கு³ண வாசின் = வஸ்னொ, கா⁴னு, மிஸ்ரக³ந்து⁴ இத்யாதி. ஸங்க்²யா வாசின் மெள்ளி கு³ண வாசின் மென்னாவு, தீ ஜனொ, ஒஜனொ, ஸாத்யொ, தீ²ன்யொ – இத்யாதி³ன்.

(71) நிக்⁴ன வாசிகு லிங்கு³ விப⁴க்தி வசனுன் ஜுண்ண.

விஸேஷண ஸப்³து³ன்
ஹுஜாளு, களொ, நிளொ, ஹள்டு³னொ, பொ⁴வுளொ, சமல், உதொ³, லொ:வொ, குள்டொ, கபுல், பிங்க³ள் இத்யாதி³.

(72) நிக்4ந வாசிகு ஸ்தி²தின் தீ²ன்யொ. நிஜஸ்தி²தி, தரஸ்தி²தி, தமஸ்தி²தி ஏ தி²னூ ஸ்தி²தின் லெந்த தராதருன் கினி தாரா தம்யுன் ஜனாஸு. (உ) கா³யி தூ³ஸ்ஸொம்மரு ஸெளிபெ⁴ண்டு³ தூ³து பெ⁴ள்சொக்கடு³. எக்கிந்தெக லானி. ஸிவாக்கின் விஷ்ணு ப³ர இத்யாதி³.

               நிக்⁴ன வாசி ஸம்பூர்ணு.

(to be continued)

Sourashtra Vyakarana Vallari - By T.M.Ramarai. (continued)

66. ப்ரதி வாசிகு விப⁴க்தின் ஸாத்யொ. எமொ ஸம்போ³த⁴ன விப⁴க்தி ஜுண்ண.

விப⁴க்தி                     ஏக வசனு             ப⁴ஹு வசனு

ப்ரத²மா விப⁴க்தி           மீ                      அமி – அம்

த்³விதீயா விப⁴க்தி         மொகொ              அம்கொ

     ,,        ,,               மொகொ தெ⁴ரி       ஔரதெரி

      ,,        ,,              ,,        ,,              அம்ப்³ர தெ⁴ரி
      ,,        ,,              ,,        ,,              அம்ரெ தெ⁴ரி

த்ருதீயா விப⁴க்தி           மொர ஹாலி         அம்ர ஹாலி

      ,,        ,,              மொரா:லி             அம்ரா:லி

      ,,        ,,              மொரொ ஹாலி      ஔரொஹாலி

      ,,        ,,              மொரா:லி             ஔரா:லி
      ,,        ,,              மொரொ ஸர   ஔரொஸர, அம்ஸர

      ,,        ,,              மொஸ்ஸரொ  ஔஸ்ஸரொ,அம்ஸரொ

      ,,        ,,              மொர ஸரொ   ஔர ஸரொ,அம்ரஸரொ

      ,,        ,,              மொஸ்ஸரொ        ஔஸ்ஸரொ

      ,,        ,,              மொஸ்ஸர           ஔஸ்ஸர

      ,,        ,,  மொரஸெங்க³ (கொ³)  ஔரஸெங்க³ (கொ³)

      ,,        ,,        மொர்ஸெங்க³(கொ³) ஔர்ஸெங்க³ (கொ³)

      ,,        ,,        மொரஸெந்த (தொ)  ஔரஸெந்த (தொ)

      ,,        ,,        மொர்ஸெந்த(தொ)   ஔர்ஸெந்த (தொ)

      ,,        ,,  மொஸ்ஸெங்க³ (கொ³) ஔஸ்ஸெங்க³(கொ³)

      ,,        ,,  மொஸ்ஸெந்த (தொ)      ஔஸ்ஸெந்த (தொ)

      ,,        ,,        ,,        ,,              அம்ஸெங்க³ (கொ³)

      ,,        ,,        ,,        ,,              அம்ஸெந்த (தொ)

      ,,        ,,        ,,        ,,              அம்ரஸெங்க³ (கொ³)

      ,,        ,,        ,,        ,,              அம்ரெஸெந்த (தொ)

சதுர்தீ² விப⁴க்தி      மொகொ              அம்கொ

      ,,        ,,        மொரவந்நொ         ஔரவந்நொ

      ,,        ,,        மொர்வந்நொ         அம்ரவந்நொ

      ,,        ,,        ,,        ,,              அம்ப்³ரவந்நொ

      ,,        ,,        ,,        ,,              ஔரொவந்நொ

      ,,        ,,        ,,        ,,              அம்ப்³ரொவந்நொ

பஞ்சமீ விப⁴க்தி            மொர்தொகொ        அம்ர தொகொ

      ,,        ,,        மொரதொகொ        அம்ரதொகனு

      ,,        ,,        மொர்தொகனு        அம்ரதொகன்

      ,,        ,,        மொர்தொகன்        அம்ப்³ரதொகொ

      ,,        ,,        மொரதொகனு        அம்ப்³ரதொகனு

      ,,        ,,        மொர்தொகன்        அம்ப்³ரதொகன்

      ,,        ,,        மொரரீ:னு (ன்)        அம்ரரீ:னு (ன்)
      ,,        ,,        மொரொரீ:னு (ன்)    அம்ரொரீ:னு(ன்)

      ,,        ,,        மொர்ரீ:னு (ன்)              ,,        ,, 

      ,,        ,,  மொர லெங்க³ (கொ³)      ஔர லெங்க³ (கொ³)

      ,,        ,,        மொர ஸெந்த (தொ) ஔர ஸெந்த (தொ)

      ,,        ,,        மொர்லெங்க³(கொ³) ஔரலெங்க³(கொ³)

      ,,        ,,        மொர்ஸெங்க³(கொ³) ஔர்ஸெங்க³(கொ³)

      ,,        ,,        மொர ஸீனு (ன்)      ஔர ஸீனு (ன்)

      ,,        ,,        மொர் ஸீனு (ன்)      ஔர் ஸீனு (ன்)

      ,,        ,,        மொர ஸினு (ன்)     ஔர ஸினு (ன்)

      ,,        ,,        மொர்ஸினு (ன்)            ஔர் ஸினு (ன்)

      ,,        ,,              ,,        ,,        அம்ர லெங்க³ (கொ³)

      ,,        ,,              ,,        ,,        அம்ர ஸெங்க³ (கொ³)

      ,,        ,,              ,,        ,,        அம்ப்3ர லெங்க³ (கொ³)

      ,,        ,,              ,,        ,,        அம்ப்3ர ஸெந்த (தொ)

ஷஷ்டி விப⁴க்தி           மொரொ               ஔரொ – அம்ரொ

      ,,        ,,  மொர வொஸொ     ஔரொ வொஸொ (அம்ப்³ர)

      ,,        ,,        மொர வொஸன்     ஔர வொஸன்   ,,      

      ,,        ,,               ,,                அம்ப்³ர வொஸன்

ஸப்தமீ விப⁴க்தி     மொராமு             ஔராமு

      ,,        ,,        மொர ஹோரு        அம்ப்3ரஹோரு,அம்ராமு

                       ப்ரதி வாசி = ப³த்³ன வாசி

அஸ்மத்³ =                    மீ        - அமி      - அம்.

யுஷ்மத்³   =                   தூ       - துமி      - தும்.

தச்ச²ப்³து³ – பும்ஸாம்     தெனொ     - தெனு    -  தென்

                                எனொ   -  எனு     -  என்

தச்ச²ப்³து³ – ஸ்த்ரீ லிங்க³ம் தீனு      - தீனுன்

                                 இனொ       - இனுன்

தச்ச²ப்³து³ – நபும்ஸக லிங்க³ம்  தே   - த்யே     - தோ

                                  த்யொ - தெயொ - தெயெ

யச்ச²ப்³து³                        ஏ     - எயொ

யச்ச²ப்³து³ ஸ்த்ரீ லிங்க3ம்      ஈனு = ஈனுன்

கிம் ஸப்³து³ நபும்ஸாம்          கோன்யொ      - கோன்யன்

கிம் ஸப்³து³  ஸ்த்ரீ லிங்க³ம்   கீனு             - கீனுன்

கிம் ஸப்³து³ நபும்ஸக லிங்க³ம் கொக ஸப்³து – கொகொ

அஸ்கி -                           ஒஜனொ  தீஜனு     ஹொல்லயொ

க²ல்லயொ                        ஸேத்தெமொ ர:த்தயொ நீ:த்தயொ

முல்லயொ           பை²லயொ      ப²ல்லயொ தி³வயொ நவ

   த்வயொ      - பை²லந்தி³     - தி³வந்தி³ - து³ஸ்ஸ்ரந்தி³

நொவ்வந்தி³    ஸத்வந்தி³      - ஸத்தத்வந்தி³ -  ஸி

ர்வந்தி³    -     அட்வந்தி³       - அஸ்வந்தி³    - ஸொவந்தி3

ஸொவ்வந்தி³ – இத்யாதி<sup>3

(to be continued)</sup>