Sourashtra Lipi's Importance.

Sourashtra Niiti Shambu - By T.M.Ramarai.

Some 12 slokas from Sourashtra Niiti Shambu composed by T.M.Ramarai is
given below with their meanings.

ꢱꣃꢬꢵꢰ꣄ꢜ꣄ꢬ ꢥꢷꢡꢶ ꢯꢪ꣄ꢨꢸ

ஸௌராஷ்ட்ர நீதி ஸம்பு.
SOURASHTRA NIITHI SHAMBU.

1. ꢯ꣄ꢬꢷꢪꢥ꣄ ꢥꢵꢬꢵꢫꢠꢵꢮꢥ꣄ꢥꣁ shriiman naaraayaNaavanno
    ꢮꢥ꣄ꢣꢶꢥ꣄ ꢭꢶꢒ꣄ꢒꢸꢱꢸ ꢣꢷ ꢱꢶꢬꢶꢥ꣄ vandin likkusu dii sirin
    ꢙꢸꢞꢡ꣄ꢡꢶꢱꣁ ꢄꢔꢡ꣄ꢡꢾꢖ꣄ꢒꣁ  juDattiso igattenko    
    ꢱꣃꢬꢵꢰ꣄ꢜ꣄ꢬ ꢥꢷꢡꢶ ꢯꢪ꣄ꢨꢸ ꢥꢸꢥ꣄ ꣎ sauraaShTra niiti shambu nun

ꢱ꣄ꢬꢷꢪꢥ꣄ ꢥꢵꢬꢵꢫꢵꢠꢵ ꢮꢥ꣄ꢥꣁ = ꢯ꣄ꢬꢷꢪꢥ꣄ ꢥꢵꢬꢵꢫꢠꢵꢒꢸ
ꢮꢥ꣄ꢣꢶꢥ꣄ = ꢥꢪ꣄ꢱ꣄ꢒꢵꢬ꣄ ꢒꢾꢬ꣄ꢭꢶ
ꢣꢷ ꢱꢶꢬꢶꢥ꣄ = ꢄꢲꢭꣂꢒꢸ, ꢦꢬꢭꣂꢒꢸ ꢪꢾꢥꢶ ꢣꢷ ꢮ꣄ꢤꢪ꣄ ꢲꣁꢫꢾ ꢱꢪ꣄ꢦꢡ꣄ꢡꢸꢥ꣄
ꢄꢔꢡ꣄ꢡꢾꢖ꣄ꢒꣁ = ꢗꢾꢮ꣄ꢣꢸꢥꢵꢬꢸꢒ꣄
ꢥꢸꢥ꣄ = ꢥꢶꢱ꣄ꢗꢫꢪ꣄ꢒꢥ꣄
ꢙꢸꢞꢡ꣄ꢡꢶꢱꣁ = ꢂꢨ꣄ꢨꢡ꣄ꢡꢶꢱꣁ
ꢱꣃꢬꢵꢰ꣄ꢜ꣄ꢬ ꢥꢷꢡꢶ ꢯꢪ꣄ꢨꢸ = ꢱꣃꢬꢵꢰ꣄ꢜ꣄ꢬ ꢩꢵꢰꢵꢪ꣄ ꢥꢷꢡꢶ ꢯꢡꢒꢪ꣄
ꢭꢶꢒ꣄ꢒꢸꢱꢸ = ꢪꢷ ꢭꢶꢒ꣄ꢒꢥ꣄ ꢙꢮꢸꢱꢸ ꣎

shriiman naaraayaNaak namaskaar kerli, ihalOku, paralOku meni dii vidham sampattun chevdunaaruk nishchayamkan abbattiso Sourashtra bhaaShaam niiti shambu menatte elyo slOkun mii likkan javusu.

2.ꢭꣂꢒꢸꢪ꣄ ꢔꣁꢮ꣄ꢳꣁ ꢱꣁꢒꢥ꣄ꢣꢿꢮꢸ  lOkum govLo sokandEvu
ꢭꣀꢞꣁꢓꢳ꣄ꢭ꣄ꢫꢮ꣄ꢥ ꢬꢒ꣄ꢰ꣄ꢮꢾꢥꢸ    laiDokhaLlyavna rakShvenu
ꢩꢒ꣄ꢡꢸꢥꢸꢒ꣄ ꢪꢡꢶ ꢪꢾꢔ꣄ ꢣꢿꢱꢸ     bhaktunuk mati meg dEsu
ꢬꢒ꣄ꢰꢸꢭ꣄ꢥꢸꢥꣁ ꢡꢾꢒ ꢲꢵꢭ꣄ ꢡꢾꢥꢸ ꣎ rakShulno teka haal tenu.

ꢭꣂꢒꢸꢪ꣄ ꢔꣁꢮ꣄ꢳꣁ ꢱꣁꢒꢥ꣄ ꢣꢿꢮꢸ = ꢩꢸꢭꣁꢒꢸꢬ꣄ ꢔꣁꢭ꣄ꢭꢬ꣄ ꢱꣁꢒꣁ ꢩꢔꢮꢵꢥ꣄
ꢬꢒ꣄ꢰ꣄ꢮꢾꢥꢸ ꢭꢞꣁ ꢓꢳ꣄ꢳꢶ ꢂꢮ꣄ꢥ = ꢪꢾꢥ꣄ꢒ꣄ꢫꢵꢥꢸꢒ꣄ ꢒꢨꢞꢡ꣄ꢡꢒ꣄ ꢤꢾꢬꢶ ꢭꢔꢸꢞꣁ ꢲꢵꢡꢸꢪ꣄  ꢓꢳ꣄ꢳꢶ ꢂꢮ꣄ꢥꢵ
ꢪꢾꢔ꣄ = ꢪꢾꢔꢶ, ꢲꣁꢫꢾꢡꢶ ꢩꢒ꣄ꢡꢸꢥꢸꢒ꣄ ꢪꢡꢶ ꢣꢿꢱꢸ = ꢃꢡ꣄ꢪ ꢮꢶꢯ꣄ꢮꢵꢱ꣄ ꢱꢿꢡ꣄ꢡꢾ ꢩꢒ꣄ꢡꢸꢥꢸꢒ꣄ ꢨꢸꢣ꣄ꢤꢶ ꢣꢿꢱꢸ
ꢡꢾꢒꢲꢵꢭ꣄ ꢡꢾꢥꢸ ꢬꢒ꣄ꢰꢸꢭ꣄ꢥꣂ = ꢡꢾꢭ꣄ꢫꣁ ꢨꢸꢣ꣄ꢤꢶ ꢢꣁꢮ꣄ꢭꢶ ꢡꢾꢥꢸ ꢡꢾꢖ꣄ꢒꣁ (ꢂꢦꢸꢭꢸꢒ꣄) ꢦꢵꢣꢸꢒꢵꢦ꣄ꢦꢸ ꢒꢾꢬ꣄ꢭꢸꢥꣂ ꣎

lOkur gollar sokan bhagavaan menkyaanuk paadukaappu dEttak haatum laiDo khaLLi avnaa; hoyeti, bhaktunuk buddhi dEsu; telyo thovli tenu tenko (apuluk) rakShulno.
You should make best use of your intellect !

3. ꢣꣀꢮꢡ꣄ꢡꢥꣁꢠ꣄ꢜꢫꣂꢱ꣄ ꢧꢸꢬ꣄ꢥꢵ   daivattanoNTayOs phurna
    ꢪꢾꢥꢶꢒ꣄ꢫꢡ꣄ꢡꢥ꣄ ꢪꢶꢳꢶꢥ꣄ ꢲꣁꢥꣁ     menikyattan miLin hono
    ꢣꢶꢫ꣄ꢫꣁ ꢪꢶꢳ꣄ꢥꢵꢡ꣄ꢡꣁ ꢒꢵꢪꢱ꣄ꢒꣁ  diyyo miLnaatto kaamasko
    ꢲꣂꢥ ꢒꣀ ꢦꢹꢬ꣄ꢡꢶ ꢱꢡ꣄ꢡꢪ ꣎        hOna kai puurti sattama.

ꢱꢡ꣄ꢡꢪ ! = ꢲꢿ ꢯ꣄ꢬꢿꢰ꣄ꢜꢵ !
ꢣꣀꢮꢡ꣄ꢡꢥ꣄ ꢏꢠ꣄ꢜꢫꣂꢱ꣄ ꢧꢸꢬ꣄ꢥ = ꢂꢣꢸꢰ꣄ꢜꢸ ꢏꢠ꣄ꢜꢫꣂꢱ꣄ ꢧꢸꢬ꣄ꢥꢵ
ꢪꢾꢥꢶꢒ꣄ꢫꢡ꣄ꢡꢥ꣄ ꢪꢶꢳꢶꢥ꣄ ꢲꣁꢥꣁ = ꢪꢾꢥ꣄ꢒ꣄ꢫꢵꢥꢸ ꢦ꣄ꢬꢫꢡ꣄ꢡꢥ꣄ ꢗꢾꢬꢶ ꢪꢸꢱꢸꢥꣁ
ꢣꢶꢫ꣄ꢫꣁ ꢪꢶꢳ꣄ꢥꢵꢡ꣄ꢡꣁ = ꢣꢶꢫ꣄ꢫꣁ ꢏꢠ꣄ꢜꢿꢱ꣄ ꢒꢥ꣄ ꢗꢾꢬ꣄ꢥꢵꢡ꣄ꢡꣁ
ꢒꢵꢪꢱ꣄ꢒꣁ ꢒꣀ ꢦꢹꢬ꣄ꢡꢶ ꢲꣁꢥ = ꢒꢵꢪꢸꢥ꣄ ꢂꢱ꣄ꢒꢶ ꢒꢶꢱꣁ ꢲꣁꢫꢾꢡ꣄ ꢪꢾꢳ꣄ꢳꢶ ꢗꣁꢒ꣄ꢒꢜ꣄ ꢪꢸꢞꢶꢮꢸꢒ꣄ ꢂꢮ꣄ꢥꢵ ꣎
Daivattan (aduShTu) maatram phurnaa, menkyaanu prayattan cheri musuno; diyyo oNTEskan chernatto kaamun aski kiso hoyet meLLi chokkaT muDivuk avnaa.

4. ꢣꢮꢡ꣄ꢡꢥꢮꢶꢥꢦ꣄ꢭꢵꢥꢸꢪ꣄                  daivattanavinaplaanum
    ꢪꢶꢳꣀꢪꢾꢥꢶ ꢱꢸꢣꢶꢥ꣄ ꢱꢣꢵ                     miLaimeni sudhin sadaa
    ꢲꢜ꣄ꢮꢶꢭꢶꢥ꣄ ꢔꣂ ꢪꢾꢥꢶꢒ꣄ꢫꢡ꣄ꢡꢥ꣄            haTvilin gO menikyattan
    ꢒꢾꢬ꣄ꢭꢱꢸꢥ꣄ ꢒꢬꢾ ꢲꣂꢡ꣄ꢡꢶꢱꣁ ꣎            kerlasun kare hOttiso.
   

ꢣꣀꢮꢡ꣄ꢡꢥ꣄ ꢂꢮꢶꢥ꣄ ꢂꢦ꣄ꢭꢵꢥꢸꢪ꣄ = ꢣꢿꢮꢸ ꢒꢺꢦꣁ (ꢂꢣꢸꢰ꣄ꢜꢸ) ꢡꢶꢒꢶꢗ꣄ꢗꢬ꣄ 
                                      ꢂꢮ꣄ꢬꢾ ꢙꣁꢮꢳ꣄
ꢪꢶꢳꣀ ꢪꢾꢥꢶ ꢱꢸꢣꢶꢥ꣄ ꢱꢣꢵ = ꢂꢮꢶꢗꢾꢬꢫꢶ ꢪꢾꢥꢶ ꢨꢸꢣ꣄ꢤꢶꢯꢵꢭꢶꢥ꣄ (ꢡꢾꢳꢶꢮꢥ꣄ꢡꢸꢞꢸꢥ꣄) ꢓꣁꢨ꣄ꢨꢶꢪ꣄
ꢲꢜ꣄꣄ꢮꢶꢭꢶꢥ꣄ ꢔꣂ ꢪꢾꢥꢶꢒ꣄ꢫꢡ꣄ꢡꢥ꣄ = ꢪꣁꢥ꣄ꢥꢸꢪ꣄ ꢲꢮ꣄ꢜꢶꢭ꣄ꢭꢶ ꢔꣂꢱ꣄ (ꢱꣁꢠ꣄ꢠꢵꢡ꣄ꢡꣁ)
ꢪꢾꢥꢶꢒ꣄ꢫꢡ꣄ꢡꢥ꣄ = ꢤꢾꢬꢸꢪꢸ ꢮꢵꢜꢸꢬ꣄ ꢂꢦ꣄ꢭꢵꢥ꣄ ꢒꢵꢪ꣄ ꢯ꣄ꢬꢣ꣄ꢤꣁ  ꢱꢾꢥ꣄ꢡꣁ
ꢒꢬꢾꢲꣂꢡ꣄ꢡꢶꢱꣁ ꢒꢾꢬ꣄ꢭꢱꢸꢥ꣄ = ꢮꢶꢬ꣄ꢢꢵꢒ꣄ ꢙꢵꢥꢵꢡ꣄ꢡꢒ꣄ꢒꢶꢥ꣄  ꢧꢭꢥ꣄ ꢣꢿꢡ꣄ꢡꢶꢱꣁ   ꢒꢾꢬ꣄ꢭꢱꢸꢥ꣄ ꣎
dEvu krupo (aduShTu) tikiccher avre jovaL avi cherayi meni buddhishaalin monnum havTilli gOs (sadaa kaalammu soNNaatto)dherumu vaaTur aplaan shraddho sento, virthaakjaanaattak phalan dEttiso kerlasun.

5.ꢣꣀꢮꢡ꣄ꢡꢥ꣄ ꢨꢷ ꢱꣁꢒꢥ꣄ ꢪꢾꢥ꣄ꢥꣁ         daivattan bii sokan menno
    ꢪꢾꢥꢶꢒ꣄ꢫꢡ꣄ꢡꢥ꣄ ꢩꢸꢛꢶ ꢱꣁꢒꢥ꣄            menikyattan bhuyi~ sokan
    ꢩꢸꢛꢶꢨꢷꢥ꣄ ꢪꢶꢳꢿꢡ꣄ꢥ ꢲꣂꢱ꣄ ꢱꢱ꣄ꢫꣁ    bhuyi~biin miLEtna hOs sasyo
    ꢣꢶꢫ꣄ꢫꣁ ꢪꢶꢳ꣄ꢥꢵꢡ꣄ꢡꣁ ꢲꣂꢥ ꢒꣀ ꣎          diyyo miLaatto hOna kai.
ꢣꣀꢮꢡ꣄ꢡꢥ꣄ ꢨꢷ ꢱꣁꢒꢥ꣄ ꢪꢾꢥ꣄ꢥꣁ = ꢂꢣꢸꢰ꣄ꢜꢸꢒ꣄ ꢮꢶꢡ꣄ꢡꢸ ꢱꣁꢒꢥ꣄ ꢲꢮ꣄ꢜꢸꢭ꣄ꢥꣁ
ꢪꢾꢥꢶꢒ꣄ꢫꢡ꣄ꢡꢥ꣄ ꢩꢸꢛꢶ ꢱꣁꢒꢥ꣄ = ꢂꢪꢶ ꢒꢾꢬꢬꢶꢫꣁ ꢒꢵꢪ꣄ (ꢯ꣄ꢬꢪꣁ) ꢪꢡ꣄ꢡꢶꢒꢥ꣄
                                             ꢯꢿꢡ꣄ꢡꢾ ꢩꢸꢛꢶ ꢱꣁꢒꢥ꣄ ꢲꢮ꣄ꢜꢸꢭ꣄ꢥꣁ
ꢩꢸꢛ꣄ꢨꢷꢥ꣄ ꢪꢶꢳꢿꢡ꣄ꢥ = ꢮꢶꢡ꣄ꢡꢸꢒꢶꢥ꣄ ꢪꢡ꣄ꢡꢶ ꢗꢾꢬꢾꢡꢷꢱ꣄
ꢱꢱ꣄ꢫꣁ = ꢣꢵꢥ꣄ꢫꢪ꣄ (ꢯꢵꢳ꣄ ꢱꣁꢒꢥ꣄ ꢧꢭꢥ꣄)
ꢲꣂꢱ꣄ = ꢦꢶꢒ꣄ꢒꢫ꣄
ꢣꢶꢫ꣄ꢫꣁ ꢪꢶꢳ꣄ꢥꢵꢡ꣄ꢡꣁ = ꢮꢶꢡ꣄ꢡꢸꢒꢶꢥ꣄ ꢩꢸꢛꢶ ꢗꢾꢬ꣄ꢥꢵꢡ꣄ꢡꣁ
ꢒꣀ ꢲꣂꢥ = ꢒꣁꢥ꣄ꢥꢶ ꢲꣂꢥꢵ (ꢂꢨ꣄ꢨꢸꢥꢵ)꣎
aduShTuk vittu sokan kin meniku kerariyo kaam (shramo) mattikan shEtte bhuyi~ sokan havTulno. Vittukin bhuyi~ cheretiis daanyam pikkayi (phalan abbayi); diyyo chernaajiyeti, konni hOnaa (abbunaa).
Here aduShTu is to be treated as devotion to God (for it cannot be purchased in the market as we buy seeds for sowing!) So aduShTu as luck is not suitable here.

6. ꢣꣀꢮꢡ꣄ꢡꢥ꣄ ꢣꢿꢥ ꢧꣂꢳꢱ꣄ꢒꣁ       daivattan dEna phOLasko
     ꢪꢾꢥꢶꢒ꣄ꢫꢡ꣄ꢡꢥ꣄ ꢱꣁꢞꢿꢡ꣄ ꢱꢣꢵ      menikyattan soDEt sadaa
    ꢨꢷ ꢥꢴꢷꢡꢡꣁ ꢩꢸꢛꢶ ꢔꣂ ꢬꢴꢵꢱꢸ      bii nhiitto bhuyi~ gO rhaasu
    ꢨꢷ ꢕꢭ꣄ꢥꢵꢡ꣄ꢡꣁ ꢲꣁꢞꣀ ꢒꢶꢱꣁ ꣎      bii ghalnaatto hoDai kiso.
ꢣꣀꢮꢡ꣄ꢡꢥ꣄ ꢣꢿꢥ ꢧꣂꢳꢱ꣄ꢒꣁ = ꢂꢣꢸꢰ꣄ꢜꢸ  ꢪꢵꢡ꣄ꢬꢪ꣄ ꢂꢱ꣄ꢒꢵꢒ꣄ ꢧꢭꢥ꣄ (ꢦꢹꢬ꣄ꢡꢶ ꢒꢥ꣄) ꢣꢿꢥꢵ
ꢱꢣꢵ ꢪꢾꢥꢶꢒ꣄ꢫꢡ꣄ꢡꢥ꣄ ꢱꣁꢞꢿꢡ꣄ = ꢓꣁꢨ꣄ꢨꢶꢪ꣄ ꢂꢪꢶ ꢒꢾꢬꢡ꣄ꢡꢾ ꢒꢵꢪ꣄ ꢒꢾꢬ꣄ꢥꢵꢡ꣄ꢡꢒ꣄ ꢱꣁꢞ꣄ꢞꢾꢡꢶ
ꢨꢷ ꢥꢴꢷꢡ꣄ꢡꣁ ꢩꢸꢛꢶ ꢔꣂ ꢬꢴꢵꢱꢸ = ꢩꢸꢛꢶꢪꢸ ꢮꢶꢡ꣄ꢡꢸ ꢥꢴꢷꢙꢶꢫꢾꢡꢶ  ꢒꣁꢥ꣄ꢥꢶ ꢥꢴꢷꢡ꣄ꢡꢒ꣄ ꢬꢴꢵꢱꢸ
ꢨꢷ ꢕꢭ꣄ꢥꢵꢡ꣄ꢡꢒ꣄ ꢒꢶꢱꣁ  ꢲꣁꢞꣀ =  (ꢒꢶꢱꣁ ꢪꢾꢥꢾꢡꢶ)  ꢮꢶꢡ꣄ꢡꢸ ꢕ꣄ꢭ꣄ꢥꢵꢡ꣄ꢡꢒ꣄ ꢒꣂꢥ꣄ꢫꢾꢡꢶ ꢒꣂꢥꢒ꣄ ꢦꢶꢒ꣄ꢒꢫꢶ?
aduShTu maatram phalan askaak [puurti] dEnaa.  ami keratte kaam khobbim soDDeti, konni nhiittak rhaasu.  Kkiso meneti, vittu ghalnaatto, bhuyi~m kOnye ti, kOnak pikkayi?

7.ꢩꢷꢒꢸ ꢪꣀꢥꢵꢡ꣄ꢡꣁ ꢲꣂ ꢄꢥ꣄ꢣ꣄ꢬꢸ
   ꢂꢦꢸꢭ꣄ ꢱ꣄ꢬꢪꣁ ꢡꣁꢒꢥ꣄ ꢪꢶꢳꢾ
   ꢩꢙ꣄ꢙꢶ ꢡꢷ ꢓꣀ ꢙꢶꢮꢿꢡ꣄ ꢥꢶꢪ꣄ꢪꢳ꣄
   ꢔꢬꢥ꣄ ꢯꢿ ꢡꢾꢛ꣄ꢒꣁ ꢓꣁꢨ꣄ꢨꢶꢒꢸ ꣎
ꢲꣂ ꢄꢥ꣄ꢣ꣄ꢬꢹ  ! = ꢲꢿ ꢄꢥ꣄ꢣ꣄ꢬꢵ !
ꢩꢷꢔꢸ ꢪꣀꢥꢵꢡ꣄ꢡꣁ = ꢩꢷꢪ꣄ ꢪꢔꢸꢥꢵꢡ꣄ꢡꣁ
ꢂꢦꢸꢭ꣄ ꢱ꣄ꢬꢪꣁ ꢡꣁꢒꢥ꣄ ꢪꢶꢭꢿ = ꢂꢪꢶ ꢒꢵꢪ꣄ ꢒꢾꢬꢶ ꢙꣁꢞꢸꢛ꣄ꢗꢾ ꢲꢥ꣄ꢥꢮ꣄ ꢢꣁꢮ꣄ꢭꢶ
ꢩꢙ꣄ꢙꢶꢡꢷ ꢓꣀ ꢙꢶꢮꢿꢡ꣄ = ꢩꢙ꣄ꢙꢶ ꢱꣁꢒꢥ꣄ ꢱꢵꢤꢵꢬꢠꢪ꣄ ꢲꣁꢫꢾ ꢬꢸꢮ꣄ꢮꣁ ꢃꢲꢵꢬ꣄ ꢓꣀ ꢙꢶꢮꢡ꣄ꢡꢾ
ꢥꢶꢪ꣄ꢪꢳ꣄ = ꢥꢶꢪ꣄ꢪꢡꢶ ꢂꢨ꣄ꢨꢫꢶ
ꢡꢾꢖ꣄ꢒꣁ ꢓꣁꢨ꣄ꢨꢶꢒꢸ ꢔꢬꢥ꣄ ꢯꢿ = ꢡꢶꢱꢵꢥ꣄ ꢡꢾꢖ꣄ꢒꣁ ꢓꣁꢨ꣄ꢨꢶꢪ꣄ ꢕꢾꢥꢪ꣄ ꢬꢴꢵꢫꢶ ꣎
ꢲꢿ ꢄꢥ꣄ꢣ꣄ꢬꢵ ! ꢩꢷꢪ꣄ ꢪꢔꢸꢥꢵꢡ꣄ꢡꣁ ꢂꢪꢶ ꢒꢵꢪ꣄ ꢒꢾꢬꢶ ꢙꣁꢞꢸꢛ꣄ꢗꢾ ꢲꢥ꣄ꢥꢮ꣄ ꢢꣁꢮ꣄ꢭꢶ ꢩꢙ꣄ꢙꢶ ꢱꣁꢒꢥ꣄ ꢯꢿꢡ꣄ꢡꢾ ꢱꢵꢤꢵꢬꢠꢪ꣄ ꢲꣁꢫꢾ ꢬꢸꢮ꣄ꢮꣁ ꢃꢲꢵꢬ꣄ ꢓꣀ ꢙꢶꢮꢡ꣄ꢡꢾ ꢲꢵꢭꢶ ꢥꢶꢪ꣄ꢪꢡꢶ ꢂꢨ꣄ꢨꢫꢶ; ꢡꢶꢱꢵꢥ꣄ꢡꢾꢖ꣄ꢒꣁ ꢱꢣꢵ ꢒꢵꢭꢪ꣄ ꢕꢾꢥꢪ꣄ ꢪꢾꢳ꣄ꢳꢶ ꢬꢴꢵꢫꢶ ꣎

hE indraa ! bhiim magunaatto ami kaam keri joDunche hannav thovli bhajji sokan shEtte saadhaaraNam hoye  ruvvo aahaar khai jivatte haali nimmati abbayi; tisaantenko sadaa kaalam ghenam meLLi rhaayi.

8. ꢩꢷꢔꢸ ꢪꣀꢥꢵꢡ꣄ꢡꢦꢸꢭ꣄ ꢕꣁꢪ꣄ꢪꣁ
    ꢩꢙ꣄ꢙꢶ ꢡꢷ ꢓꣀ ꢙꢶꢮꢿꢡ꣄ ꢨꢬ
     ꢱꢾꢙ꣄ꢙꢾꢕꢿꢬꢸꢙ꣄ ꢙꢾꢪꢥ꣄ ꢪꢾꢥ꣄ꢡꢶꢥ꣄
    ꢙꢾꢪꢿꢡꣃꢪꢵꢥꢸꢙꣀ ꢡꢾꢒꣁ ꣎

ꢩꢷꢔꢸ ꢪꣀꢥꢵꢡ꣄ꢡꣁ ꢂꢦꢸꢭ꣄ ꢕꣁꢪ꣄ꢪꣁ= ꢩꢬꢵꢜ꣄ ꢙꢷ ꢏꢠ꣄ꢜꢾ ꢡꢾꢒ꣄ꢙꣁꢮꢪ꣄ ꢩꢷꢪ꣄ ꢪꣀꢥꢵꢡ꣄ꢡꢒ꣄, ꢡꢾꢒ [ꢂꢦꢸꢭ꣄] ꢕꣁꢪ꣄ꢪꣂꢱ꣄ ꢬꢴꢷꢭꢶ
ꢩꢙ꣄ꢙꢶ ꢡꢷ ꢓꣀ ꢙꢶꢮꢿꢡ꣄ ꢨꢬ =  ꢩꢙ꣄ꢙꢶ ꢱꣁꢒꢥ꣄ ꢯꢿꢡ꣄ꢡꢾ ꢱꢵꢣꢵꢬꢠ ꢓꣃꢠꢪ꣄ ꢡꢷ ꢓꢫꢾꢡꢶ ꢗꣁꢒ꣄ꢒꢜꢸ
ꢱꢾꢙ꣄ꢙꢾ ꢕꢿꢬꢸ ꢆꢙ꣄ꢙꢾꢪꢥ꣄ ꢪꢾꢥ꣄ꢡꢶꢥ꣄ = ꢭꢾꢔꢸꢡ꣄ꢡꢵ ꢕꣁꢪ꣄ꢪꣁ ꢗꢾꢜꢵꢮ꣄ ꢙꣁꢪꢥ꣄ ꢗꢭꢬꢿꢱ꣄ ꢪꢾꢥꢶ ꢲꢮ꣄ꢜꢶꢭ꣄ꢭꢶ [ꢨꣁꢮ꣄ꢥꢵꢡ꣄ꢡ  ꢪꢸꢥꢣꢞꢶ꣄ ꢪꢸꢣꢸꢭ꣄ꢭꣁ ꢪꢸꢣꢸꢭ꣄ꢭꣁ ꢙꢷ ꢨꢶꢱꢶ]
ꢙꢾꢪꢿꢡ꣄ ꢑꢪꢵꢥ꣄ ꢆꢙꢫ꣄ ꢡꢾꢒꣁ = ꢓꢫꢾꢡꢶ, [ꢒꣂꢥ꣄ꢡꢶ ꢒꢵꢫ꣄ꢡꢶ ꢂꢣ꣄ꢣꢶ ꢆꢥ꣄ꢥꣁ ꢮꢡ꣄ꢡꣁ ꢒꢾꢬꢶ] ꢡꢾꢒꣁ ꢂꢮꢪꢵꢥ꣄ ꢂꢨ꣄ꢨꢫꢶ ꣎
ꢩꢬꢵꢜ꣄ ꢙꢷ ꢩꢷꢪ꣄ ꢪꢔꢸꢥꢵꢡ꣄ꢡꣁ, ꢡꢾꢒꣁ ꢕꣁꢪ꣄ꢪꣂꢱ꣄ ꢲꢥ꣄ꢣꢾ ꢩꢙ꣄ꢙꢶ ꢱꣁꢒꢥ꣄ ꢯꢿꢡ꣄ꢡꢾ ꢱꢵꢤꢵꢬꢠꢪ꣄ ꢲꣁꢫꢾ  ꢓꣃꢠꢪ꣄ ꢓꢫꢾꢡꢶ, ꢡꢾꢭ꣄ꢫꣂꢱ꣄ ꢗꣁꢒ꣄ꢒꢜꢸ. ꢭꢾꢔꢸꢡ꣄ꢡꢵ ꢕꣁꢪ꣄ꢪꣁ ꢗꢾꢜꢵꢮ꣄ ꢙꢾꢪꢥ꣄ ꢗꢭꢬꢿꢱꢶ ꢪꢾꢥꢶ ꢲꢮ꣄ꢜꢶꢭ꣄ꢭꢶ ꢡꢾꢥꢸ ꢨꣁꢮ꣄ꢥꢵꢡ꣄ꢡ ꢪꢸꢥ꣄ꢣꢞꢷꢱ꣄ ꢪꢸꢣꢸꢭ꣄ꢭꣁ ꢪꢸꢣꢸꢭ꣄ꢭꣁ ꢙꢷ ꢨꢶꢱꢶ ꢙꢾꢪꢥ꣄ ꢙꣁꢪꢾꢡꢶ,  ꢒꣂꢥ꣄ꢡꢶ ꢒꢵꢫ꣄ꢡꢶ ꢦꢸꢱꢶ, ꢡꢾꢒꢲꢵꢭ꣄ ꢂꢮ꣄ꢪꢵꢥ꣄ ꢦꣁꢞ꣄ꢠꣁ ꢲꣂꢫꢶ ꣎

bharaaT jii bhiim magunaatto teko ghommOs hande bhajji sokan shEtte saadhaaraNam hoye khauNam khayeti, telyOs chokkaTu.  leguttaa ghommo cheTaav jeman chalarEsi meni havTilli, tenu bovnaata mundaDiis mudullo mudullo jii bisi  jeman jometi, kOnt kaayti pusi,  tekahaal avmaan poDNo hOyi.

9. ꢮꢿꢣꢸꢥ꣄ ꢦꢝꢶꢥꢶ ꢯꢵꢱ꣄ꢡ꣄ꢬꢵꢣꢶꢥ꣄
    ꢡꢷꢬ꣄ꢡ꣄ꢡꢸꢥꢸꢪ꣄ ꢨꢸꢠ꣄ꢠꢶ ꢔꣂꢳꢸꢥꢸꢪ꣄
    ꢲꣂꢬꢙꢵ ꢱꢾꢡ꣄ꢡꢸ ꢮꢡ꣄ꢡꢵꢒꢸ
    ꢱꢪꢵꢥ꣄ꢒꢷ ꢥꢴꢵ ꢥꢒꢷ ꢒꢶꢱꣂ ꣎
ꢮꢿꢣꢸꢥ꣄ ꢦꢝꢶꢥꢶ = ꢗꢵꢬ꣄ ꢮꢿꢣꢸꢥ꣄ ꢦꢵꢬꢵꢫꢠꢪ꣄ ꢒꢾꢬ꣄ꢥꢶ
ꢯꢵꢱ꣄ꢡ꣄ꢬꢵꢣꢶꢥ꣄ = ꢮꢿꢣꢸꢥꢸꢒ꣄  ꢂꢖ꣄ꢔꢪ꣄ ꢲꣁꢫꢾ ꢱꣂ  ꢯꢵꢱ꣄ꢡꢬꢸꢥ꣄  ꢗꢾꢮ꣄ꢣꢶꢥꢶ
ꢔꣂꢳꢸꢥꢸꢪ꣄ - ꢱꢬ꣄ꢮ꣄  ꢒ꣄ꢰꢿꢡ꣄ꢬꢸꢥꢸꢪ꣄ ꢯꢿꢡ꣄ꢡꢾ
ꢡꢷꢬ꣄ꢡ꣄ꢡꢸꢥꢸꢪ꣄ = ꢔꢾꢖ꣄ꢔꢵ ꢥꢾꢣ꣄ꢣꢶ ꢱꣁꢒꢥ꣄  ꢡꢷꢬ꣄ꢡ꣄ꢡꢸꢥꢸꢪ꣄
ꢨꢸꢠ꣄ꢠꢶ = ꢱ꣄ꢥꢵꢥ꣄ ꢒꢾꢬ꣄ꢥꢶ (ꢌꢭ꣄ꢫꣁ ꢂꢱ꣄ꢒꢶ)
ꢲꣂ ꢬꢙꢵ = ꢐ ꢬꢙꢵ !
ꢱꢾꢡ꣄ꢡꢸ ꢮꢡ꣄ꢡꢵꢒ꣄ = ꢬꢴꢡ꣄ꢡ,  ꢥꢶꢙꢪ꣄ ꢲꣁꢫꢾ,  ꢮꢡ꣄ꢡꢵꢒ꣄
ꢱꢪꢵꢥ꣄ ꢒꢷ = ꢱꢪꢵꢥ꣄ ꢲꣂꢫ꣄ꢒꢷ?
ꢒꢷ ꢒꢶꢱꣁ ꢥꢴꢵꢥ = ꢒꣂꢥ꣄ ꢤꢵꢥꢸꢒ꣄ ꢪꢾꢳ꣄ꢳꢶ ꢱꢪꢵꢥ꣄ ꢲꣂꢡ꣄ꢡꢶꢱꢵꢫꣁ ꢥꢴꢵ ꣎
ꢗꢵꢬ꣄ ꢮꢾꢣꢸꢥ꣄ ꢂꢖ꣄ꢔꢸꢥ꣄ ꢯꢵꢱ꣄ꢡ꣄ꢬꢵꢣꢶꢥ꣄ ꢂꢱ꣄ꢒꢶ ꢗꢾꢮ꣄ꢣꢶꢥꢶ ꢱꢾꢬꣁ ꢱꢬ꣄ꢮ  ꢒ꣄ꢰꢿꢡ꣄ꢬꢸꢥꢸꢪ꣄ ꢯꢿꢡ꣄ꢡꢾ
ꢔꢾꢖ꣄ꢔꢵ ꢥꢾꢣ꣄ꢣꢶ ꢱꣁꢒꢥ꣄ ꢡꢷꢬ꣄ꢡ꣄ꢡꢸꢥꢸꢪ꣄ ꢨꢸꢠ꣄ꢠꢶ ꢂꢱ꣄ꢒꢶ ꢬꢴꢡ꣄ꢡ ꢮꢡ꣄ꢡꢵꢒ꣄ ꢱ꣄ꢪꢵꢥ꣄ ꢒꢶꢱꣁ ꢱꢶꢫꢾꢡꢶ
ꢪꢾꢳ꣄ꢳꢶ ꢲꣂꢥꢵ.

Chaar vEdun angun vEdunuk angam hoye sO shaastrun chevdini sero sarva kShEtrunum shEtte gengaa neddi sokan tiirttunum buNNi aski rhatta vattaak samaan kiso siyeti meLLi hOnaa.

10.  ꢯꢪ꣄ꢲꢷꢬ꣄ꢥꢸꢒꢸ ꢲꢶꢬꣂꢱ꣄ ꢭꢵꢥꢶ
       ꢯꢪ꣄ꢲꢶꢬꢵꢥꢸꢒ꣄ ꢒ꣄ꢬꢡꢹꢱ꣄ ꢨꢬ
      ꢯꢪ꣄ꢫꢵꢔꢸꢥꢸꢒ꣄ ꢨꢾꢜꣂꢱ꣄ ꢭꢵꢥꢶ
      ꢯꢪ꣄ꢨꢾꢜꢵꢥꢸꢒ꣄ ꢥꢶꢨꢹꢱ꣄ ꢨꢬ ꣎
ꢯꢪ꣄ ꢲꢷꢬ꣄ꢥꢸꢒꢸ ꢲꢶꢬꣂꢱ꣄ ꢭꢵꢥꢶ = ꣑꣐꣐ (ꢏꢠ꣄ꢜꢾ ꢱꣂꢮꢸ) ꢲꢷꢬ꣄ꢥꢸꢒꢸ ꢱꣁꢪ꣄ꢪꢬ꣄ ꢏꢠ꣄ꢜꢾ ꢡꢳꣁ (ꢡꢜꢵꢒꢪ꣄) ꢗꣁꢒ꣄ꢒꢜꢸ ꣎
ꢯꢪ꣄ ꢲꢶꢬꢵꢥꢸꢒ꣄ ꢒ꣄ꢬꢡꢹꢱ꣄ ꢨꢬ = ꢏꢠ꣄ꢜꢾ ꢱꣂꢮꢸ ꢡꢳꢵꢥꢸꢒ꣄ ꢱꣁꢪ꣄ꢪꢬ꣄ ꢏꢠ꣄ꢜꢾ ꢫꢵꢔꢪ꣄ ꢗꣁꢒ꣄ꢒꢜꢸ
ꢯꢪ꣄ ꢫꢵꢔꢸꢥꢸꢒ꣄ ꢨꢾꢜꣂꢱ꣄ ꢭꢵꢥꢶ = ꢏꢠ꣄ꢜꢾ ꢱꣂꢮꢸ ꢫꢵꢔꢪ꣄ ꢱꣁꢪ꣄ꢪꢬ꣄ ꢏꢠ꣄ꢜꢾ  ꢔꢸꢠ꣄ꢠꢸꢱꢿꢡ꣄ꢡꢾ ꢨꢾꢜꣁ  ꢯ꣄ꢬꢿꢰ꣄ꢜꢸ
ꢯꢪ꣄ ꢨꢾꢜꢵꢥꢸꢒ꣄ ꢥꢶꢨꢹꢡ꣄ ꢨꢬ = ꢏꢠ꣄ꢜꢾ ꢱꣂꢮꢸ ꢣꢸꢬ꣄ꢔꢸꢠ꣄ꢠꢸ ꢦꢸꢡ꣄ꢬꢸꢥ꣄ ꢱꣁꢪ꣄ꢪꢬ꣄ ꢥꢴꢸꢬꢸ ꢥꢴꢷꢡ꣄ꢡꣁ ꢬꢴꢵꢡ꣄ꢡꢾ  ꢱꢸꢓꢪ꣄  ꢒꢾꢬꣀ ꣎
ꢏꢠ꣄ꢜꢾ ꢱꣂꢮꢸ ꢲꢷꢬ꣄ꢥꢸ ꢱꣁꢪ꣄ꢪꢬ꣄ ꢏꢠ꣄ꢜꢾ ꢡꢳꣁ ꢗꣁꢒ꣄ꢒꢜꢸ; ꢏꢠ꣄ꢜꢾ ꢱꣂꢮꢸ ꢡꢳꢵꢥ꣄ ꢱꣁꢪ꣄ꢪꢬ꣄ ꢏꢠ꣄ꢜꢾ ꢫꢵꢔꢪ꣄ ꢗꣁꢒ꣄ꢒꢜꢸ; ꢏꢠ꣄ꢜꢾ ꢱꣂꢮꢸ ꢫꢵꢔꢪ꣄ ꢒꢾꢬꢡ꣄ꢡꢾ ꢱꣁꢪ꣄ꢪꢬ꣄ ꢏꢠ꣄ꢜꢾ ꢱꢣ꣄ꢔꢸꢠ꣄ꢠꢸ ꢯꢿꢡ꣄ꢡꢾ ꢨꢾꢜꣁ ꢯ꣄ꢬꢿꢰ꣄ꢜꢸ; ꢏꢠ꣄ꢜꢾ ꢱꣂꢮꢸ ꢣꢸꢬ꣄ꢔꢸꢠ꣄ꢠꢸ ꢨꢾꢜꢵꢥ꣄ ꢱꣁꢪ꣄ꢪꢬ꣄ ꢥꢴꢸꢬꢸ ꢥꢴꢷꢡ꣄ꢡꢒ꣄ ꢬꢴꢵꢡ꣄ꢡꢾ ꢱꢸꢓꢪ꣄ ꢒꢾꢬꣀ ꣎
oNte sOvu hiirnu sommar oNTe taLo chokkaTu, oNTe sOvu taLaan sommar oNTe yaagam chokkaTu, oNTe sOvu yaagam keratte sommar oNTe sadguNNu shEtte beTo shrEShTu; oNTe sOvu durguNNu beTaan sommar nhuru nhiittak rhaatte sukham kerai.

11.ꢱꢱꢬꢯ꣄ꢮ ꢒ꣄ꢬꢡꢸꢥ꣄ ꢙꣂꢒꢸꢪ꣄     ꢱꢾꢡ꣄ꢡꢸ ꢣꢸꢱ꣄ꢬꣁ ꢤꢾꢜꢵꢪ꣄ ꢢꣁꢮꢶ     ꢙꣁꢔꢿꢡ꣄ ꢱꢱꢬ꣄ ꢕꣁꢞꢵꢫꢵꢔꢸꢥ꣄     ꢲꢳ꣄ꢮ ꢲꣂꢱ꣄ ꢱꢾꢡ꣄ꢡꢸ ꢱꣁꢪ꣄ꢪꢬꢸ ꣎ ꢱꢱꢬꢯ꣄ꢮ ꢒ꣄ꢬꢡꢸꢥ꣄ ꢙꣂꢒꢸꢪ꣄ = (ꢙꣂꢒ꣄ ꢡꢔꢡ꣄ꢡꢾ) ꢡꢾꢬꢵꢱꢸꢪ꣄ ꢱꢱꢬ꣄ ꢕꣁꢞꢵ ꢫꢵꢔꢸꢥ꣄  (ꢏꢠ꣄ꢜꢾ ꢦꣁꢒ꣄ꢒꢜ꣄) ꢒꢶꢥ꣄ ꢣꢸꢱ꣄ꢬꣁ ꢤꢾꢜꢵꢪ꣄ ꢱꢾꢡ꣄ꢡꢸ ꢢꣁꢮꢶ = ꢣꢸꢱꢸꢬꣁ ꢤꢾꢜꢵꢪ꣄ (ꢡꢾꢜ꣄ꢜꢵꢪ꣄) ꢱꢾꢡ꣄ꢡꢸ  ꢢꣁꢮꢶ ꢙꣁꢔꢿꢡ꣄ ꢱꢱꢬ꣄ ꢕꣁꢞꢵ ꢫꢵꢔꢸꢥ꣄ =   ꢩꢵꢬ꣄ ꢙꣁꢔꢶ ꢱꢶꢫꢾꢡꢶ ꢱꢱꢬ꣄ ꢕꣁꢞꢵ ꢫꢵꢔꢸꢥꢸ ꢧꣂꢳ꣄ (ꢧꢭꢥ꣄) ꢱꢾꢡ꣄ꢡꢸ ꢱꣁꢪ꣄ꢪꢬꢸ ꢲꢳ꣄ꢮ ꢲꣂꢱ꣄ = ꢱꢾꢡ꣄ꢡꢸ ꢧꣂꢳ꣄ ꢱꣁꢪ꣄ꢪꢬ꣄ ꢲꢳ꣄ꢮꣁ ꢬꢴꢵꢱꢸ ꣎ ꢐꢠ꣄ꢜꢾ ꢡꢸꢭꢵꢪ꣄ (ꢡꢾꢬꢵꢱꢸꢪ꣄) ꢏꢠ꣄ꢜꢾ ꢡꢾꢜ꣄ꢜꢵꢪ꣄  ꢱꢱꢬ꣄ ꢕꣁꢞꢵ ꢫꢵꢔꢸ ꢧꢭꢥ꣄ ꢒꢶꢥ꣄ ꢂꢖ꣄ꢔꢸꢥ꣄ ꢏꢠ꣄ꢜꢾ  ꢡꢾꢜ꣄ꢜꢵꢪ꣄ ꢱꢾꢡ꣄ꢡꢸ ꢧꢭꢥ꣄ ꢒꢶꢥ꣄ ꢢꣁꢮꢶ ꢙꣂꢔ꣄ ꢡꢔꢾꢡꢶ, ꢱꢱꢬ꣄ ꢕꣁꢞꢵ ꢫꢵꢔꢸꢥꢸ ꢧꢭꢥ꣄ ꢲꢳ꣄ꢮꢒꢥ꣄ ꢬꢴꢵꢱꢸ ꣎ oNTe tulaam (teraasum) oNTe teTTaam sasar ghoDaa yaagu phalankin angun oNTe teTTaam settu phalan kin thovi jOg tageti, sasar ghoDaa yaagu phalan haLvakan rhaasu. 12. ꢱꢾꢡ꣄ꢡꢸꢒ꣄ ꢱꢪꢵꢥ꣄ ꢤꢾꢬꢸꢪ꣄ ꢙꢸꢠ꣄ꢠ       ꢱꢾꢡ꣄ꢡꢸ ꢱꣁꢪ꣄ꢪꢬꢸ ꢯ꣄ꢬꢿꢰ꣄ꢜꢸ ꢥꢴꢷ      ꢱꢾꢡ꣄ꢡꢸ ꢥꢴꢷꢥꢸꢪ꣄ ꢩꣁꢮꢿ ꢦꢵꢦꢸꢥ꣄      ꢱꢾꢡ꣄ꢡꢸ ꢯꢿꢡ꣄ꢡꢾꢒꣁ ꢯꢿ ꢔꢬꢥ꣄ ꣎ ꢱꢾꢡ꣄ꢡꢸꢒ꣄ ꢱꢪꢵꢥ꣄ ꢤꢾꢬꢸꢪ꣄ ꢙꢸꢠ꣄ꢠ = ꢥꢶꢡ꣄ꢡꣁ ꢮꢵꢜ꣄ /ꢬꢴꢡ꣄ꢡ ꢮꢵꢜꢸ / ꢱꢾꢡ꣄ꢡꢸꢒ꣄ ꢱꢪꢵꢥ꣄ꢒꢥ꣄ ꢣꢸꢱꢸꢬ ꢤꢾꢬꢸꢪ꣄ ꢒꣁꢥ꣄ꢥꢶ ꢥꢴꢷ ꢱꢾꢡ꣄ꢡꢸ ꢱꣁꢪ꣄ꢪꢬꢸ ꢯ꣄ꢬꢿꢰ꣄ꢜꢸ ꢥꢴꢷ = ꢱꢾꢡ꣄ꢡꢸꢒ꣄ ꢱꣁꢪ꣄ꢪꢬ꣄ ꢗꢾꢜꢵꢮ꣄ꢒꢥ꣄ ꢯꢾꢡ꣄ꢡꢾ ꢣꢸꢱꢸꢬꢸ ꢤꢾꢬꢸꢪ꣄ ꢒꣀ ꢥꢴꢷ ꢱꢾꢡ꣄ꢡꢸ ꢥꢴꢷꢥꢸꢪ꣄ ꢩꣁꢮꢿ ꢦꢵꢦꢸꢥ꣄ = ꢱꢾꢡ꣄ꢡꢸ ꢥꢴꢷꢡ꣄ꢡꢿꢜꢸ ꢚꢸꢒ꣄ꢒꢸ ꢣꢸꢬ꣄ꢔꢸꢠ꣄ꢠꢸꢥ꣄ ꢲꢵꢭꢶ ꢦꢵꢦ꣄ ꢂꢮꢶ ꢭꢔꢫꢶ ꢱꢾꢡ꣄ꢡꢸ ꢯꢿꢡ꣄ꢡꢾꢒꣁ ꢯꢿ ꢔꢬꢥ꣄ = ꢱꢡ꣄ꢫꢮꢵꢣꢶ ꢙꣁꢮꢳ꣄ ꢕꢾꢥꢪ꣄ (ꢱꢬ꣄ꢮꢱꢸꢒꢺꢡꢶꢥ꣄) ꢯꢿ ꣎ ꢬꢴꢡ꣄ꢡ ꢮꢵꢜꢸꢪ꣄ ꢙꢷ ꢱꢾꢡ꣄ꢡꢸꢒꢥ꣄ ꢗꢭ꣄ꢭꢡ꣄ꢡꢶꢱꢵꢒꢾ ꢱꢪꢵꢥ꣄ꢒꢥ꣄ ꢣꢸꢱꢸꢬꣁ ꢤꢾꢬꢸꢪ꣄ ꢩꢸꢭꣂꢒꢸꢬ꣄ ꢙꢸꢠ꣄ꢠꢵ; ꢱꢾꢡ꣄ꢡꢸ ꢱꣁꢪ꣄ꢪꢬ꣄ ꢗꢾꢜꢵꢮ꣄ ꢤꢾꢬꢸꢪ꣄ ꢪꢾꢳ꣄ꢳꢶ ꢒꣁꢥ꣄ꢥꢶ ꢥꢴꢷ; ꢱꢾꢡ꣄ꢡꢸꢒꢥ꣄ ꢗꢭ꣄ꢭꢸꢥꢵꢡ꣄ꢡꢒ꣄ ꢣꢸꢬ꣄ꢔꢸꢠ꣄ꢠꢸꢥ꣄ ꢱꢾꢥ꣄ꢡꣁ ꢯꢿꢡ꣄ꢡꢾꢒꣁ ꢚꢸꢒ꣄ꢒꢸ ꢦꢵꢦꢸꢥ꣄ ꢂꢮꢶ ꢭꢔꢫꢶ;  ꢱꢡ꣄ꢫꢮꢵꢣꢶꢒꢥ꣄ ꢯꢿꢡ꣄ꢡꢾꢒꣁ ꢓꣁꢨ꣄ꢨꢶꢪ꣄ ꢕꢾꢥꢪ꣄ ꢂꢨ꣄ꢨꢫꢶ꣎ rhatta vaaTum jii settukan challattisaak e samaankan dusuro dherumu bhulookur juNNaa; settu sommar cheTaav dherum meLLi ko nni nhii; settukan challunaattak durguNNun sento shEtteko jhukku paapun avi lagayi; satyavaadikan shEtteko khobbim ghenam abbayi.

contact subramanian.obula@gmail.com

Kavi Venkatasuri's Sourashtra Sangita Ramanayana Song.

ꢯ꣄ꢬꢷꢪꢣ꣄ ꢱꣃꢬꢵꢰ꣄ꢜ꣄ꢬ ꢱꢖ꣄ꢔꢷꢡ ꢬꢵꢪꢵꢫꢠꢸ꣎ (ꢒꢮꢶ ꢮꢿꢖ꣄ꢒꢜꢱꢹꢬꢶ)
ஸ்ரீமத்3 ஸௌராஷ்ட்ர ஸங்கீ3த ராமாயணு                         (கவி வேங்கடஸூரி)

ꢣꢿꢮꢸꢥꢸꢒ꣄ ꢯ꣄ꢬꢷꢪꢥ꣄ ꢥꢵꢬꢵꢫꢠꢸ ꢦ꣄ꢬꢡꢶꢮꢗꢶꢥꢶ꣎
தே3வுனுக் ஸ்ரீமன் நாராயணு ப்ரதிவசினி

ꢬꢵꢔꢪ꣄ ராகம்  ꢪꣂꢲꢥꢪ꣄ மோஹனம்   ꢡꢵꢳꢪ꣄ தாளம்  ꢃꢣꢶ ஆதி3
                     
                               ꢦꢭ꣄ꢭꢮꢶ பல்லவி

ꢤꢬꢶꢬ꣄ ꢆꢙꣁ ꢙꢮꣁ ꢂꢡ꣄ꢡ ꢣꢿꢮꢸꢥ꣄ - ꢡꢸꢪ꣄ꢬꣁ
த4ரீர் உஜொ ஜவொ அத்த தே3வுன் - தும்ரொ
ꢤꢵꢒꢸꢥ꣄ ꢂꢬꢱꢸ ꢪꣁꢥ꣄ ꢆꢙꢵꢮꢸꢥ꣄ (ꢤꢬꢷꢬ꣄ꢆꢙꣁ)
தா4குன் அரஸு மொன் உஜாவுன்  (த4ரீர் உஜொ)
         
                        ꢂꢥꢸꢦꢭ꣄ꢭꢮꢶ   அனுபல்லவி

ꢱꢸꢬꢶꢡ꣄ ꢂꢖ꣄ꢔꢸꢥꢸ ꢱꢸꢬꢦꢡꢶ ꢪꢶꢳ꣄ꢳꢶ ꢮꢵꢭꢷ
ஸுரித் அங்கு3னு ஸுரபதி மிள்ளி வாலீ
ꢱꢸꢔ꣄ꢬꢶꢮꢸꢥꢸꢒ꣄ ꢲꣁꢫ꣄ - ꢲꢷꢥꢸꢒꢸ ꢪꢬ꣄ꢥꣁ ꢲꢵꢭꢶ (ꢤꢬꢷꢬ꣄ꢆꢙꣁ)
ஸுக்3ரீவுனுக் ஹொய் – ஹீனுகு மர்னொ ஹாலி (த4ரீர் உஜொ)
                                ꢗꢬꢠꢸꢥꢹ சரணுனூ

꣑.ꢮꢵꢪꢣꢿꢮ꣄ ꢂꢪ꣄ꢯ ꢮꢬꣂꢙꢶ  ꢨꢭ꣄ꢮꢥ꣄ꢡꢸꢲꣂ
1.வாமதே3வ் அ,ம்ஸ வரோஜி ப3ல்வந்து ஹோ
  ꢮꣀꢱ꣄ꢣꢿꢮꢸ ꢥꢷꢭꢸꢒ꣄ ꢦꣁꢭꢖ꣄ ꢣꢳꢸꢥ꣄  ꢱꣁꢥ꣄ꢡꢸꢲꣂ
வைஸ்தே3வு நீலுக் பொலங் த3ளுன் ஸொந்துஹோ
 ꢡꢵꢪꢬꢱ꣄ꢪꢸꢙꢷ ꢙꢵꢪ꣄ꢨ   ꢮꢣ꣄ꢨꢸꢤꢶꢮꢥ꣄ꢡꢸꢲꣂ
  தாமரஸ்முஜீ  ஜாம்ப3  வத்3பு3தி4வந்துஹோ
 ꢤꢵꢰ꣄ꢜꢶꢬ꣄ꢙꢫꢥ꣄ꢣꢖ꣄ꢔꢣ꣄  ꢙꢫꢮꢥ꣄ꢡꢸ ꢲꣂꢱ꣄ꢡꢶꢱꣁ
தா4ஷ்டிர் ஜயந்த3ங்க3த்3 ஜயவந்து ஹோஸ்திஸொ  (த4ரீர்உஜொ)

꣒. ꢯꢖ꣄ꢓꢸ ꢗꢒ꣄ꢒꢸꢬꢸꢥꢵꢣꢶꢯꢿꢰꢸꢥꢸ ꢪꢷ  ꢩꢫꢶꢥ꣄
    ஸங்கு2 சக்குருநாதி3ஸேஷுனுமீ ப4யின்
    ꢱꢬꢱꢸꢥ꣄ ꢢꢾꢮꢸꢞꣁꢣꢶꢥ꣄ꢥꢸꢬꢴꢵꢱ꣄ꢡꢶꢱꢮꣂ ꢲꣁꢫꢶꢥ꣄
    ஸரஸுன் தெ2வுடொ3தி3ன்னு ரா:ஸ்திஸவோ ஹொயின்
    ꢯꢖ꣄ꢒꢥꢶꢮꢵꢬꢠ꣄ ꢂꢫꣂꢤ꣄ꢫꢵꢦꢡꢶꢒꢸ ꢯꢾꢫꢶꢥ꣄
ஸங்கநிவாரண் அயோத்4யாபதிகு ஸெயின்
    ꢱꢮꢱꢸꢬ꣄ ꢂꢮꢶ ꢙꢾꢫꢮꢿꢔꢸꢪ꣄ ꢡꢾꢒꢬ꣄ꢪꢸꢭ꣄ꢭꣁ ꢡꢸꢪꢶ ꢙꢾꢫꢶꢥ꣄
ஸவஸுர் அவொ ஜெயவேகு3ம் தெகர்முல்லொ துமி ஜெயின் (த4ரீருஜொ)

꣓. ꢥꢬꢸꢥꢸꢡꢶ ꢂꢖ꣄ꢔꢸ ꢮꢵꢥꢬꢸꢥꢸꢡꢶ  ꢲꣁꢫ꣄ ꢫꢪꢶ
  நருனுதி அங்கு3 வானருனுதி ஹொய் யமி
    ꢥꢴꢵꢱ꣄ꢢꣁ ꢬꢵꢗ꣄ꢗꢭꢶꢥꢸꢒ꣄ ꢪꢬ꣄ꢥꢵꢬꢸꢥ꣄ ꢤꢾꢬꢶ ꢡꢸꢪꢶ
நா:ஸ்தொ2 ராச்சாலினுக் மர்னாருன் தெ4ரி துமி
    ꢔꢶꢬꢶꢥꢸ ꢲꣂꢬ꣄ ꢡꢬꢸꢥꢸ ꢲꣂꢬ꣄ ꢮꢱꢢꢸ ꢬꢴꢮꣂ  ꢒ꣄ꢰꢪꢶ
கி3ரினுஹோர் தருனு ஹோர் வஸது2 ர:வோ க்ஷமி
    ꢒꢺꢦꢬꢯ꣄ꢙꢥꢵꢒꢸꢬꢴ ꢔꢸꢱꢸꢪꢶ ꢮꢿꢔꢸꢪꢸ ꢤꢪꢶ (ꢤꢬꢷꢬ꣄ ꢆꢙꣁ)
க்ருப ரஸ்ஜனாகு ர:கு3ஸுமி வேகு3மு த4மி (த4ரீருஜொ)

This song was read by me; Dr.D.K.Subramanian has explained its meaning in Tamil and then Sri V.K.Neelarao sings and the text appears in the screen. The DVD was released some years back with the financial assistance of Thumati Sri T.R.Ramasubramanian, a Software Engineer, now in Chennai.
O.S.Subramanian.

If you cannot read the Sourashtra script, please copy in a Word Document and then change its font to Sourashtra. Then it will be visible.  You should have Sourashtra font in your Computer.

Kaamkettin - காம்கெத்தின் - ஸௌராஷ்ட்ர சிறு கதை - By M.S.Ramani.

Kaamkettin  ꢒꢵꢪ꣄ꢒꢾꢡ꣄ꢡꢶꢥ꣄ By M.S.Ramani. (8)

ꢣꢵꢱ꣄: ꢍ ꢱꢵ, ꢌꢭ꣄ꢡꢾ ꢮꢡ꣄ꢡꣁ ꢂꢱ꣄ꢒꢶ ꢒꢾꢬꢸꢖ꣄ꢔꣁ..  ꢡꢹ ꢲꢮ꣄ꢜꢬꢾ ꢱꣁꢒꢥ꣄ ꢂꢱ꣄ꢒꢶ ꢒꣁꢥ꣄ꢥꢶ ꢥꢴꢷ:  ꢡꢹ ꢨꣁꢭ꣄ꢫꢮꢾ ꢒꢵꢪ꣄ꢒꢾꢡ꣄ꢡꢶꢥꢹꢱ꣄ꢥꢵ ! ꢡꢹꢱ꣄ ꢄꢱꣁ ꢪꢾꢥꢬꢶꢱ꣄ꢥꢵ ..  ꢡꣁꢒꣁ ꢪꣁꢥ꣄ꢥꢹꢱ꣄ ꢱꢾꢬ꣄ꢒ꣄ꢒꣁ ꢥꢴꢷ. ꢕꣁꢪ꣄ꢪꢵꢒ꣄ꢒꢵꢪꢸꢥ꣄  ꢒꢾꢬꢡ꣄ꢡꢒꢹꢱ꣄ꢥꢵ ꢒꢵꢪ꣄ꢒꢾꢡ꣄ꢡꢶꢥꢸꢒ꣄ ꢢꣁꢮꢶꢡ꣄ꢡꢾ … ꢡꢾꢥꣁꢒꢥ꣄ ꢱꣁꢪ꣄ꢪꢬ꣄ ꢦꣁꢞꢶ ꢂꢱ꣄ꢒꢶ ꢒꢾꢬꢥ꣄ ꢂꢮꢾꢡ꣄ ꢡꢹ ꢒꢒꣁ ꢂꢞ꣄ꢞꢪ꣄ ꢦꣁꢞꢬꢵꢫꢷ?

ꢆꢰꢵ: ꢪꣁꢒꣁ ꢣꣁꢱ꣄ꢒꣁ ꢗꢸꢜ꣄ꢜꢸ ꢧꢶꢬꢾ ꢱꣁꢒꢥ꣄ ꢭꢒꢬꢾꢱꢶ ꣎ ꢒꣂ ꢱꢾ ꢬꢿꢞꢶꢫꣂ? ꢔꢷꢡ꣄ ꢎꢒꢾꢡ꣄ ꢬꣁꢮ꣄ꢮꣁ ꢗꣁꢒ꣄ꢒꢜ꣄ ꢭꢔꢫ꣄ ..

ꢣꢵꢱ꣄: ꢬꢿꢞꢶꢫꣂ ꢒꢾꢖ꣄ꢒꢾ? ꢒꢵꢪ꣄ꢒꢾꢡ꣄ꢡꢶꢥ꣄ ꢪꢶꢖ꣄ꢔꢶꢡꢶꢒꢶ ~

ꢆꢰꢵ: ꢒꢵꢫ꣄ ꢱꢖ꣄ꢔꢬꢵꢡ꣄ꢡꢾ?

ꢣꢵꢱ꣄: ꢮꢶꢒ꣄ꢒꢶꢡꢶꢫꣁ .. ꢒꢵꢪ꣄ꢒꢾꢡ꣄ꢡꢶꢥꢸꢒ꣄ ꢣꢶꢫꢾ ꢱꢪ꣄ꢨꢸꢳꣁ ꢥꢶꢮ꣄ꢬꢸꢥꢫ꣄ꢥꢵ꣎  ꢪꣁꢒꣁ ꢱꢪ꣄ꢨꢸꢳꣁ ꢱꢵꢡ꣄ ꢱꣂꢬꢸꢮꢵꢫ꣄.  ꢪꢸꢭ꣄ꢭꣁ ꢓꢞ꣄ꢬꢾꢫꢾꢒꢾ ꢏꢠ꣄ꢜꢾ ꢱꣂ ꢩꢶꢳ꣄ꢳꢶ ꢣꢿꢥꢸ. . ꢡꣁꢒꣁ ꢲꣁꢬꢵꢜ꣄ ꢒꢾꢭ꣄ꢭꢡ꣄ꢡꢒ꣄ ꢓꢞꢾ  ꢬꢷꢠꢸꢒꢸ, ꢪꢴꢞꢵꢒ꣄ ꢣꢷ ꢱꣂ ꢬꢸꢮꢵꢫ꣄ ꢣꢷ ꢲꣁꢥꣁ..ꢣꢹꢡꢸ ꢤꢾꢫ꣄ ꢪꢸꢒ꣄ꢫꢪ꣄ ꢦꢫ ꢯꢿꢡ꣄ꢡꢾꢫꢾ ꢣꢿꢜ꣄ ꢱꣂ ꢬꢸꢮꢵꢫ꣄ ꢲꣂꢬꢱꢶ. . ꢂꢖ꣄ꢔꢸꢥ꣄ ꢡꢥ꣄ꢣꢸ ꢒꣀꢭꣁ ꢒꢾꢱꢸꢬ꣄ ꢪꢾꢥꢶꢮꢿꢱꢸꢥꢸ .. ꢧꢸꢬ꣄ꢥꢵꢡ꣄ꢡꢾꢒꣁ  …ꢡꢹ ꢂꢖ꣄ꢔꢶꢞꢶꢥꢸꢪ꣄ ꢮꢶꢒ꣄ꢒꢬꢾ  ꢡꢶꢒ꣄ꢒꢹ ꢦꢱ꣄ꢡꢮꢸꢥ꣄  ꢓꢞꢶ ꢡꣀꢬꢶꢱꢶ.. ꢌꢭ꣄ꢡꢾ ꢮꢿꢱꢸꢥꢹꢱ꣄ ꢣꣁꢱ꣄ꢒꣁ ꢲꣁꢭ꣄ꢭꢾ ꢙꢿꢞꢬꢿꢱꢶ… ꢒꢵꢪ꣄ꢒꢾꢡ꣄ꢡꢶꢥꢸꢒ꣄ ꢢꢷꢥ꣄ ꢱꣂ ꢬꢸꢮꢵꢫ꣄ ꢱꢪ꣄ꢨꢸꢳꣁ  ꢒꣂꢥꢒ꣄ ꢣꢿꢫ꣄?  ꢱꢶꢫꢾꢱꢷ. . ꢬꢿꢞꢶꢫꣂ ꢮꢶꢒ꣄ꢒꢶꢡ꣄ꢡꢶꢫꣁ ꣎

ꢣꢾꢒ꣄ꢒꢶꢥꢶ - ꣕

(ꢦꢵꢡ꣄ꢬꢵꢥ꣄ ꢣꢵꢱ꣄, ꢆꢰꢵ)

ꢆꢰꢵ:  ꢒꢵꢫ꣄  ꢲꢸꢜꣁ .. ꢕꢾꢠ꣄ꢜꣁ ꢱꣂꢫꢾ …ꢤꢾꢬꣁ ꢒꢵꢦ꣄ꢦꢶ ..

ꢣꢵꢱ꣄: ꢒꣂꢥ꣄ꢫꢾ ! ꢲꢶꢥ꣄ꢣꣁ ꢡꢹ ꢄꢒ꣄ꢒꢾ ꢱꣁꢳꢨꢵꢬ꣄ ꢲꢸꢜꢶ ꢒꢵꢦ꣄ꢦꢶ ꢒꢾꢭ꣄ꢭꢶ ꢂꢥꢶ ꢲꢸꢜꢜꢬꢶꢡ꣄ꢡꢾ?

ꢆꢰꢵ: ꢲꢵꢫ꣄.. ꢂꢡ꣄ꢡꢾꢖ꣄ꢔꢸꢜ꣄ ꢌꢭ꣄ꢡꢾ ꢒꢵꢪꢸꢥ꣄ ꢂꢱ꣄ꢒꢶ ꢪꢷꢱ꣄ꢒꢾꢬꢸ꣎ ꢍ ꢎꢒꢵꢱ꣄ꢱꢷ .. ꢱꢾꢙ꣄ꢙꢾ ꢕꣁꢪ꣄ꢪꣁ ꢨꢾꢫ꣄ …ꢂꢱ꣄ꢦꢡ꣄ꢡꢶꢬꢶꢪ꣄ ꢯꢿꢫ꣄ꢥꢵ ..ꢲꢿꢪ꣄ꢪꢸ ꢣꢸꢮ꣄ꢥꣁ ꢪꢾꢥ꣄ꢡꢶ ꢨꣁꢭ꣄ꢙꢶꢫꢵꢡ꣄ꢡꢾ ..ꢂꢡ꣄ꢡꣁ ꢦꣂꢜꢸꢪ꣄ ꢔꢾꢞ꣄ꢞꣁ ꢂꢮ꣄ꢞ꣄ꢬꢾꢱ꣄ ꢪꢾꢥꢵ.. ꢃꢦꢬꢿꢰꢥ꣄ ꢒꢾꢬꢛ꣄ꢙꢵꢬꢵꢡ꣄ꢡꢾ ꢪꢾꢥꢵ ꣎

ꢣꢵꢱ꣄: ꢒꢵꢪ꣄ ꢒꢾꢥ꣄ꢥꢵꢡ꣄ꢡꢒ꣄ ꢨꢶꢱꢶꢬꢴꢶꢫꢾꢡ꣄ ꢄꢱꣂꢱ꣄ ꢦꣂꢜꢸꢪ꣄ ꢔꢾꢞ꣄ꢞꣁ, ꢦꢵꢜꢸꢬ꣄ ꢔꢾꢞ꣄ꢞꣁ ꢪꢾꢥꢶ ꢂꢮꢫ꣄.. ꢃꢖ꣄ꢔꢸꢒ꣄ ꢒꢵꢪ꣄ ꢥꢴꢷꢡ꣄ꢡꢾꢥꢸ ꢂꢩ꣄ꢫꢵꢱꢸꢥ꣄ ꢒꢾꢬ꣄ꢥꣁ.. ꢡꢾꢮꢿꢳꣂꢱ꣄ ꢃꢖ꣄ꢔꢸ ꢨꢬꣁꢒꢥ꣄ ꢢꣁꢮ꣄ꢭꢸꢮꢵꢫꢶ.. ꢥꢴꢷ ꢪꢾꢥꢾꢡ꣄ ꢲꣁꢒꢡꢸ ꢮꢿꢱꢸꢥ꣄ ꢱꢾꢬꣁ ꢂꢪꢶꢫꢶ ꢒꢾꢰ꣄ꢜꢪ꣄ ꢦꣁꢳ꣄ꢳꢿꢡ꣄ ꢬꢴꢥꣁ ꢱꢿꢡ꣄ꢡꢿꢱ꣄.. ꢒꣂꢜ꣄ ꢯꢿ?
ꢂꢖ꣄ꢔꢸꢥ꣄ ꢂꢮ꣄ꢬꢶꢥꢶꢫꢷ ꢒꢵꢪ꣄ꢒꢾꢡ꣄ꢡꢶꢥꢸ?

ꢆꢰꢵ: ꢂꢡ꣄ꢡꢾꢖ꣄ꢔꢸꢜ꣄ ꢂꢮ꣄ꢥꢵ .. ꢂꢮꢸꢖ꣄ꢔꣁ ꢪꢾꢥ꣄ꢡꢶꢒꢶ..

ꢣꢵꢱ꣄: ꢗꣁꢒꢜ꣄ ꢒꢵꢪ꣄ ! ꢲꢶꢣ꣄ꢣꢶꢪ꣄ ꢡꢷ ꢒꢳꣀꢭꢶꢱ꣄ꢥꢵ. ꢂꢖ꣄ꢔꢸꢥ꣄ ꢢꢾꢮ꣄ꢜ ꢱꢪꢵꢥ꣄ ꢮꢶꢒ꣄ꢒꢡ꣄ꢡꢾꢬ꣄ ꢡꣁꢒꣁ  ꢒꢳꢵꢫ꣄ꢪꢾꢥꢶ ꢪꢷ ꢲꢮ꣄ꢜꢾꢡ꣄ꢡꢾ..ꢱꣁꢥ꣄ꢡꣂꢰ꣄ ꣎ ꢯꢿꢡ꣄ꢡꢾꢫꢾ ꢢꣁꢮ꣄ꢭꢶ ꢱꣁꢥ꣄ꢡꣂꢰ꣄ꢒꢥ꣄ ꢣꢶꢥ꣄ꢥꢸ ꢔꢪ꣄ꢞꢡ꣄ꢡꢒ꣄ ꢮꢵꢜ꣄ ꢮꢾꢒ꣄ꢒꢸꢥꣁ .. ꢡꢾꢒꣁ ꢌꢒꣁ ꢱꢷꢡꢶ ꢒꢾꢬꢡ꣄ꢡꢾꢫꢾ ꢂꢱ꣄ꢒꢶ ꢄꢱꣂꢱ꣄ ꢬꣁꢮ꣄ꢮ ꢪꢴꢾꢣ꣄ꢣꢶ ꢮꢶꢣ꣄ꢣꢵꢬꢸꢪ꣄ ꢙꢮꢫ꣄ꢫꢵꢫ꣄ ꣎

ꢆꢰꢵ: ꢒꢵꢪ꣄ꢒꢾꢡ꣄ꢡꢶꢥ꣄ ꢪꢾꢥꢡ꣄ꢡꢾ ꢭꢴꢾꢒ꣄ꢒꢵꢒ꣄ ꢂꢱ꣄ꢒꢶ ꢒꢵꢪꢸꢥ꣄ ꢡꢾꢒꣂꢱ꣄ ꢒꢾꢬꢞ꣄ꢠꣁ ꢪꢾꢥ꣄ꢡꢶ ꢪꢷ ꢨꢶꢱꢶ ꢲꣁꢣꢶꢱꢶ.. ꢪꢷ ꢡꢸꢖ꣄ꢒꣁ ꢒꢾꢬꢶ ꢣꢿꢡ꣄ꢡꢾ ꢒꢵꢪꢸꢥ꣄ ꢪꢾꢳ꣄ꢳꣁ .. ꢡꢾꢥꣁ ꢡꢸꢥ꣄ꢣꢾ ꢱꢾꢬꣁ ꢮꢡ꣄ꢡꣁ ꢒꢾꢬꢾꢡ꣄ ꢪꢾꢳ꣄ꢳꣁ ꢪꣁꢒꣁ ꢬꢵꢒ꣄ ꢂꢮꢥ꣄ ꢥꢶꢒꢶꢳ꣄ꢞꢶꢫꣁ.. ꢲꣁꢫꢾꢡ꣄ ꢡꢾꢭ꣄ꢡꢾꢒꣁ ꢪꢷꢱ꣄ꢥ ꢒꢵꢬꢠꣁ ꢪꢾꢥꢶ ꢪꣁꢒꣁ ꢂꢡ꣄ꢡꣂꢱ꣄ ꢒꢳꢵꢬꢱ꣄꣎  ꢡꢿꢥꢴꢵꢡ꣄ꢡꢒ꣄ ꢂꢪ꣄ꢒꣁ ꢱꢿꢡ꣄ꢡꢾ ꢮꢬ꣄ꢪꢵꢥꢸꢒ꣄ ꢒꢵꢪ꣄ꢒꢾꢡ꣄ꢡꢶꢥ꣄ ꢮꢿꢱ꣄ ꢥꢴꢷ ꢪꢾꢥꢶ ꢡꢸꢪꢶ ꢬꢿꢞꢶꢫꣁ ꢮꢶꢒ꣄ꢒꢾꢫꢾꢪꣁ ꢬꢷ ꢒꢳꢫ꣄ꢫꣁ ꣎ ꢄꢱꣂꢱ꣄ ꢏꢠ꣄ꢜꢾ ꢮꢶꢒ꣄ꢒꢶꢭꢿꢡ꣄ ꢬꢴꢶꢫꢾꢡꢶ ꢙꢶꢡ꣄ꢬꢮ꣄ ꢒꢵꢫ꣄ ꢲꣂꢫ꣄  ꢪꢾꢥꢡ꣄ꢡꢫꢷ ꢪꣁꢒꣁ ꢂꢥ꣄ꢣꢶꢫꣁ .. ꢒꢵꢪ꣄ ꢒꢾꢡ꣄ꢡꢶꢥꢸꢒ꣄ ꢢꣁꢮ꣄ꢭꢶꢫꢾ ꢲꢵꢭ꣄ ꢮꢶꢬ꣄ꢡꢵꢒ꣄ ꢮꢿꢱꢹꢱ꣄ ꢲꣁꢫꢾꢱ꣄..ꢒꢵꢭ꣄ ꢬꢵꢡ꣄ ꢂꢱ꣄ꢒꣁ ꢲꣂꢖ꣄ꢔꢹꢱ꣄ ꢂꢮꢾꢥꢶ ..ꢌꢭ꣄ꢡꢿꢱ꣄ ꢫꣂꢗꢥꣁ꣎

ꢣꢵꢱ꣄: ꢪꢾꢫ꣄ ꢂꢡ꣄ꢡꣁ ꢦꢫ꣄ꢥꢾꢡ꣄ ꢬꣁꢮ꣄ꢮ ꢥꢶꢛ꣄ꢙꢶ ꢲꢹꢜ꣄ꢔꢵ..

ꢆꢰꢵ: ꢣꣁꢱ꣄ꢒꣁ ꢲꣁꢭ꣄ꢭꣁ ꢒꢵꢪꢸꢥ꣄ ꢯꢿ .. ꢥꢶꢛ꣄ꢙꢶꢭꢿꢬꢴꢶꢫꢾꢡ꣄ ꢱꢾꢬ꣄ꢒ꣄ꢒꣁ ꢂꢮꢫ꣄ꢒꢷ .. ꢂꢡ꣄ꢡꢾꢖ꣄ꢔꢸꢜ꣄ ꢪꢷꢱ꣄ ꢍ  ꢕꣁꢪ꣄ꢪꢵꢒ꣄ ꢒꢵꢪ꣄ꢒꢾꢡ꣄ꢡꢶꢥ꣄ !

             ꢱꢸꢩꢪ꣄ (ꢪꢸꢱꢾꢱ꣄)  The End.

Short Story By Thirubuvanam Sri M.S.Ramani.
Posted by O.S.Subramanian.
 subramanian.obula@gmail.com

Those who want a copy of the whole story may send email to me.

Kaamkettin - A Short story in Sourashtram by M.S.Ramani - part 7.

Kaamkettin  ꢒꢵꢪ꣄ꢒꢾꢡ꣄ꢡꢶꢥ꣄ By M.S.Ramani. (7)

ꢣꢾꢒ꣄ꢒꢶꢥꢶ (꣔)

(ꢦꢵꢡ꣄ꢬꢵꢥ꣄, ꢣꢵꢱ꣄, ꢃꢰꢵ, ꢆꢰꢵ)

ꢆꢰꢵ: ꢃꢰꢵ,  ꢃꢰꢵ !

ꢃꢰꢵ: ꢒꢵꢫ꣄ ꢨꢾꢫ꣄ … ꢍꢜ꣄ ꢕꣁꢪ꣄ꢪꣂꢱ꣄  ꢯꢿꢡ꣄ꢡꢾ !

ꢆꢰꢵ: ꢡꢿꢜ꣄ ꢒꢵꢫ꣄ ꢒꢾꢬꢬꢶꢡ꣄ꢡꢾ ? ꢍꢜꢵꢮꢶ …

ꢃꢰꢵ: ꢣꢣꣁ ꢙꣂꢳ꣄ ꢨꣁꢜ꣄ꢜꣁ  ꢪꢒꢬꢶꢡ꣄ꢡꢾ …ꢔꢸꢛ꣄ꢙꢡ꣄ꢡꢒ꣄ !

ꢆꢰꢵ: ꢪꣁꢬ꣄ ꢙꣂꢳ꣄ ꢪꢫꢾꢡ꣄ ꢪꢷ ꢓꢞ꣄ꢞꢿꢥꢵ  ? ꢡꢾꢖ꣄ꢒꣁ ꢦꢱ꣄ꢒꢜꢹꢱ꣄ ꢗꢸꢜ꣄ꢜꢸ ꢧꢶꢭ꣄ꢭꢿꢡ꣄ ꢬꢴꢵꢬꢶꢱ꣄ꢥꢵ ?

ꢣꢵꢱ꣄:  ꢪꢷꢱ꣄ ꢨꣁꢮꢾꢡ꣄ꢡꢾ..  ꢕꣁꢪ꣄ꢪꣁ ꢭꣁꢜꢸꢥꣁ ꢪꢾꢥ꣄ꢡꢶ ..

ꢆꢰꢵ: ꢂꢮ꣄ꢡꣁ ꢂꢮ꣄ꢡꣁ ꢡꢸꢪꢶ ꢒꢾꢬꢬꢶꢫꣁ ꢬꢸꢮ꣄ꢮꣁ ꢪꢾꢳ꣄ꢳꣁ ꢱꢾꢬ꣄ꢒꣁ ꢥꢴꢷ ! ꢂꢱ꣄ꢒꢶꢫꢾꢒꣁ ꢡꢾꢒꢒꢹꢱ꣄ꢥꢵ ꢨꣁꢮꢥ꣄ ꢥꢶꢒꢶꢳ꣄ꢳꢶꢬꢵꢱꢶ..

ꢣꢵꢱ꣄: ꢪꢾꢫ꣄, ꢡꢾꢒꣁ ꢨꣁꢮ꣄ꢥꢵꢡ꣄ꢡꣁ ꢒꣁꢖ꣄ꢒꣁ ꢨꣁꢮꢫꢷ? ꢡꢹꢡꢶ ꢒꢵꢪ꣄ ꢒꢾꢥ꣄ꢥꢵꢡ꣄ꢡꢾ  ꢪꢴꢬꢙꢶꢥ꣄ꢥꢵ.. ꢃꢰꢵ !ꢡꣁꢬꢾ ꢲꢡꢬꣁ ꢒꢵꢦ꣄ꢦꢶ ꢒꢾꢭ꣄ꢭꢶ ꢂꢥꢶ ꢣꢿ..

ꢆꢰꢵ: ꢙꢷ ꢨꣁꢜ꣄ꢜꣁ ꢔꢸꢛ꣄ꢙꢶꢭꢶ ꢃꢮ꣄ꢮꢵ ..ꢪꢶ ꢒꢵꢦ꣄ꢦꢶ ꢒꢾꢬꢶ ꢣꢾꢮꢸꢱꢸ..

ꢣꢵꢱ꣄: ꢡꢹ ꢒꢵꢦꢶ ꢒꢾꢬꢡ꣄ꢡꢒꢵ? ꢡꣁꢒꣁꢡꢷ ꢦꢱ꣄ꢡꢮꢸꢥ꣄ ꢗꢾꢮ꣄ꢣꢡ꣄ꢡꢾ ꢒꢵꢪꢸꢥ꣄ ꢬꢴꢵꢫꢷ ..

ꢆꢰꢵ: ꢪꣁꢬ꣄ ꢲꢵꢭ꣄ ꢒꣁꢥ꣄ꢥꢶ ꢪꢸꢱꢬꢥꢶ  .. ꢪꢸꢭ꣄ꢭꢵꢪ꣄ ꢡꢷ ꢬꣁꢮꢪ꣄ꢒꣁ ꢗꢾꢮ꣄ꢣꢫꢾꢱ꣄ … ꢂꢡ꣄ꢡꣁ   .. ꢌꢒ ꢱꢾꢥ꣄ꢡꢵ ꢣꣁꢱ꣄ꢒꣁ ꢣꢸꢮ꣄ꢥꣂꢱ꣄ ꢪꢴꣁꢜ꣄ꢜꢒ ꢯꢿ ..

ꢃꢰꢵ: ꢣꢣꢵ ..ꢏꢠ꣄ꢜꢾ  ꢮꢷꢱꢸ ꢬꢸꢦꢵꢫ꣄ ꢲꢥ꣄ꢥꢮ꣄ ꢦꢫꢾ ꢲꣂꢱꢸ ..

ꢆꢰꢵ:  ꢥꢶꢒꢶꢳ꣄ꢳꢶꢱ꣄ꢱꢷ ! ꢲꢥ꣄ꢥꢮ꣄ꢪꢹꢱ꣄  ꢕꣁꢬꢪ꣄ꢒ ꢬꢴꢥꣁ…

ꢣꢵꢱ꣄:  ꢪꢴꢞꣁ ꢪꢸꢱꢸꢥꢵꢡ꣄ꢡꣁ ꢪꢸꢭ꣄ꢭꣂꢱ꣄ ꢱꢪ꣄ꢨꢸꢳꣁ ꢲꢥ꣄ꢥꢮ꣄ ꢓꢳ꣄ꢳꢶ ꢱꢡ꣄ꢡꢬꢷꢱ꣄ꢥꢵ .. ꢡꢿꢭꢵ .. ꢮꢷꢱꢸ ꢬꢸꢦꢵꢫꢷꢱ꣄ ꢡꣁꢒꣁ ꢣꢾꢥꣁ ꢯꢿ.

ꢃꢰꢵ: ꢱꣁꢥ꣄ꢣꣁ ꢬꢴꢷ ꢪꣀꢥꢵ ꢣꢣꢵ .. (ꢲꢥ꣄ꢥꢮ꣄ ꢓꢳ꣄ꢳꢶ) ꢒꢵꢫ꣄ ꢒꢾꢬꢾꢡꢶ ꢡꢸꢥ꣄ꢣꢾ ꢪꣁꢥ꣄ꢥꢸ ꢆꢭꢵꢱ꣄ ꢲꣁꢫꢾ ꢪꣁꢥ꣄ꢥꢹꢱ꣄.
ꢆꢰꢵ: ꢧꢸꢙ꣄ꢙꢵꢮꢵ ꢌꢖ꣄ꢔꢸꢜ꣄ ꢂꢮ꣄ꢞꢾ .. ꢄꢱꢵ ꢌꢗ꣄ꢗꢶꢥꢶ ꢮꢡ꣄ꢡꣁ ꢒꢾꢬꢶ ꢲꢥ꣄ꢥꢮ꣄ ꢓꢳ꣄ꢙꢵꢡ꣄ꢡꢒ꣄ ꢗꣁꢒ꣄ꢒꢜ꣄ ꢱꢶꢒ꣄ꢒꢶ ꢢꣁꢮ꣄ꢭ꣄ꢬꢶꢱ꣄ ꣎

ꢃꢰꢵ: ꢱꢮꣁ  ꢣꢣꢵ .. ꢄꢱꣂꢱ꣄ ꢓꣁꢨ꣄ꢨꣁ ꢱꢶꢫꢾꢡꢶ ꢔꢵꢳ꣄ꢞꢱꢸꢥ꣄ ꣎

ꢣꢵꢱ꣄: ꢡꢹ ꢙꢷ ꢒꢵꢪ꣄ ꢱꢵ ꢂꢪ꣄ꢨꣂ …(ꢃꢰꢵ ꢙꢵꢱ꣄) ꢲꢥ꣄ꢥꢮ꣄ ꢣꢿꢡ꣄ꢡꢫꢾ ꢣꢿꢛ꣄ꢙꢵꢱꢸꢥꢸ .. ꢡꢾꢪꣁ ꢒꢒꣁ ꢄꢱꣁ ꢮꢡ꣄ꢡꢵꢥ꣄ ꢂꢱ꣄ꢒꢶ ꢒꢾꢬ꣄ꢥꣁ?

ꢆꢰꢵ: ꢪꢾꢫ꣄ ꢪꢒꢡ꣄ꢡꢾꢮꢿꢳꣁ ꢂꢱ꣄ꢒꢶ ꢣꢶꢭꢿꢡ꣄ ꢬꢴꢮꣂ.. ꢡꢾꢥꣂꢱ꣄ ꢡꢸꢖ꣄ꢒꣁ ꢂꢱ꣄ꢒꢶ !

                               ꢂꢖ꣄ꢔꢸꢥ꣄ ꢂꢮꢫ꣄ (to be continued)

Kaamkettin காம்கெத்தின் a short story by M.S.Ramani. (continued.)

Kaamkettin  ꢒꢵꢪ꣄ꢒꢾꢡ꣄ꢡꢶꢥ꣄ By M.S.Ramani. (4)

ꢣꢵꢱ꣄:ꢒꢵꢪ꣄ ꢒꢾꢡ꣄ꢡꢶꢥꢵ !  ꢪꢷ ꢡꣁꢬꢾ ꢱꢶꢖ꣄ꢔꢡꢶ ꢲꣁꢫ꣄ꢬꢴꢵꢫ꣄ ꢪꢾꢥ꣄ꢡꢶ ꢒꢵꢦꢶ, ꢥꢒꢭ꣄ꢦꢵꢥ꣄ ꢂꢱ꣄ꢒꢶ ꢂꢥꢶꢣꢿꢬꢾꢱꢶ ꣎

ꢆꢰꢵ: ꢲꣀꢮꢵ ! ꢒꢵꢪ꣄ ꢒꢾꢬꢡ꣄ꢡꢒ꣄ ꢂꢮꢶꢡ꣄ꢡꢾꢥꣁ ꢪꢾꢥꢶ ꢱꢖ꣄ꢔꢸꢥꣁ ꢯꢿꢡ꣄ꢡꢿꢱ꣄ꢥꢵ?

ꢒꢵꢪ꣄ꢒꢾꢡ꣄ꢡꢶꢥ꣄: ꢪꣁꢒ꣄ ꢒꣂꢜ꣄ ꢱꢖ꣄ꢔꢡ꣄ꢡꢒ꣄ ꢣꢶꢫꢵꢱ꣄ ꢨꢾꢫ꣄? ꢂꢱ꣄ꢒꢶ ꢡꢾꢥꢹꢱ꣄ ꢪꢾꢭ꣄ꢭꢶ ꢡꢾꢥꢹꢱ꣄ ꢒꢾꢬꢬꢵꢱꢶ!

ꢆꢰꢵ: ꢡꣁꢒꣁ ꢒꢵꢪ꣄ ꢒꢾꢬꢡ꣄ꢡꢒ꣄ ꢪꢾꢥꢶ ꢨꣁꢮꢾꢡꢶ.. ꢡꢹ ꢨꢶꢱꢶꢭ꣄ꢞꢶ, ꢂꢪ꣄ꢒꣁ ꢒꢵꢪ꣄ ꢓꢜ꣄ꢜꢶ ꢙꢿꢞꢫ꣄ ꢱꣁꢒꢥ꣄ ꢯꢿꢥꢵ !

ꢒꢵꢪ꣄ꢒꢾꢡ꣄ꢡꢶꢥ꣄: ꢬꢵꢒ꣄ ꢂꢮꢳ꣄ꢳꢸꢖ꣄ꢔꢥ꣄ ꢨꢾꢫ꣄ ..ꢒꢳꢵꢥꢵꢡ꣄ꢡꢒ꣄ ꢨꢶꢱꢫ꣄ꢫꣁ.. ꢱꢪ꣄ꢨꢸꢳꣁ .. ꢄꢒ꣄ꢒꣁ ꢪꢾꢥꢶ..

ꢣꢵꢱ꣄: ꢒꢵꢫ꣄  ! ꢍꢜꢵ..ꢮꢶ, ꢡꣁꢒꣁ ꢪꣁꢥ꣄ꢥꢸ ꢭꢫꢾ ꢤꢵꢥꢸꢒ꣄ ꢂꢱ꣄ꢒꢶ ꢒꢾꢬꢡ꣄ꢡꢾ ꢪꢾꢥꢶ ꢲꢮ꣄ꢜꢥ꣄ꢒꢷ? ꢒꢵꢪ꣄ꢒꢾꢡ꣄ꢡꢶꢥꢒ꣄꣄ ꢨꣁꢮ꣄ꢬꢾ  ꢱꢮ꣄ꢒꢵꢱ꣄ ꢪꣁꢬ꣄ ꢙꣁꢮꢳ꣄ ꢏꢠ꣄ꢜꢾ ꢮꢡ꣄ꢡꣁ ꢱꢖ꣄ꢔꢶꢱ꣄ꢱꢷ?

ꢆꢰꢵ: ꢍ ꢱꢮꣂ .. ꢨꣁꢮꢶ ꢲꣁꢫ꣄ꢫꢶꢬꢡ꣄ꢡꢾ .. ꢡꢾꢒꣁ ꢮꢾꢣꢸꢬ꣄ ꢢꣁꢮ꣄ꢭꢶ ꢂꢪꢶ ꢪꢭ꣄ꢭꢡ꣄ꢡꢾ ꢥꢴꢵ.. ꢂꢪ꣄ꢒꣁ ꢒꢸꢬ꣄ꢗꢶ ꢡꢾꢥꣁ ꢒꢵꢫ꣄ ꢲꢮ꣄ꢜꢫ꣄?

ꢍ ꢱꢵꢮꢵ, ꢡꢹ ꢱꢪ꣄ꢨꢸꢳꣁ ꢄꢒ꣄ꢒꣁ ꢪꢔꢬꢶꢡ꣄ꢡꢾ?

ꢒꢵꢪ꣄ꢒꢾꢡ꣄ꢡꢶꢥ꣄: ꢙꢾꢪ꣄ꢨꢸꢖ꣄ꢕꢿꢬ꣄ ꢒꢵꢪ꣄ ꢒꢾꢬꢡ꣄ꢡꢾ ꢮꢿꢳꣁ ꢢꢷꢥ꣄ꢱꣂ ꢬꢸꢦꢵꢫ꣄ ꢣꢶꢫꢵꢱꢶ.. ꢧꢭ꣄ꢗꢵꢣꢸꢒ꣄꣄ ꢓꢸꢪ꣄ꢨꢵꢖ꣄ ꢕꢿꢬ꣄ ꢢꢶꢥ꣄ꢥꢣ꣄ꢣꢸ ꢱꣂꢬꢸꢦꢵꢫ꣄ ꢣꢶꢫꢵꢱ꣄ ..

ꢆꢰꢵ: ꢢꢷꢥ꣄ ꢱꣂꢬꢸꢮꢵꢫꢷꢱ꣄ ꢱꢪ꣄ꢨꢸꢳꣁ..

ꢣꢵꢱ꣄: ꢒꢵꢫ꣄ .. ꢥꢶꢒꣁ ꢥꢴꢷꢡ꣄ꢡꢒ꣄ ꢮꢡ꣄ꢡꣁ ꢒꢾꢬꢬꢶꢡ꣄ꢡꢫꢷ?

ꢆꢰꢵ: ꢇꢪ꣄ꢥꢵꢡ꣄ꢡꢒ꣄ ꢬꢴꢮꣂ .. ꢩꢵꢡ꣄ ꢲꢥ꣄ꢣꢡ꣄ꢡꢾꢬꢴꢷ ꢂꢱ꣄ꢒꢶ ꢒꢵꢪꢸꢥ꣄ ꢒꢾꢬ꣄ꢡꢫ꣄ꢥꢵ?

ꢣꢵꢱ꣄: ꢮꢿꢫ꣄.  ꢡꣁꢬꢾ ꢪꣁꢥ꣄ꢥꢸ ꢤꢵꢥꢸꢒ꣄ ꢂꢱ꣄ꢒꢶ ꢒꢿ꣄ꢬ꣄…

ꢆꢰꢵ: ꢙꢷ ꢒꢵꢪ꣄ ꢱꢵꢮꢵ..

ꢣꢵꢱ꣄: ꢲꣀ ꢂꢪ꣄ꢨꣂ.. ꢡꣁꢬꢾ ꢥꢵꢮ꣄ ꢒꢵꢫ꣄ꢫꢾ?

ꢒꢵꢪ꣄ꢒꢾꢡ꣄ꢡꢶꢥ꣄: ꢃꢰꢵ !

ꢣꢵꢱ꣄: ꢆꢰꢵ, ꢃꢰꢵ.. ꢣꢷ ꢥꢵꢮꢸꢥ꣄ ꢱꢾꢬ꣄ꢒ꣄ꢒꣁ ꢯꢿꢥꢵ !

ꢆꢰꢵ: ꢧꢸꢙ꣄ꢙꢵꢫ꣄ ꢮꢾꢒꣁ .. ꢕꢾꢞꢶ ꢲꣂꢬ꣄ꢡ꣄ꢡꢾ .. ꢒꢵꢪꢸꢒ꣄ ꢥꢶꢒꢸꢳꣁꢮꣁ.. (ꢩꢶꢡ꣄ꢡꢬ꣄ ꢙꢵꢱ꣄)

ꢣꢵꢱ꣄:  ꢪ꣄ꢪ꣄ ..ꢒꢵꢪ꣄ ꢒꢾꢡ꣄ꢡꢶꢥ꣄ ꢂꢮꢾ ꢮꢿꢳꣁ .. ꢪꣁꢒꣁ ꢥꣁꢮ꣄ꢮꣁ ꢒꢵꢪ꣄ ꢂꢮꢶ ꢤꢶꢒ꣄ꢒꢶꢭ꣄ꢞꢶꢫꣁ..   ꢒꢵꢦ꣄ꢦꢶ ꢡꢒꢡ꣄ꢡꢾ ꢒꢵꢪ꣄ .. ꢒꢵꢦ꣄ꢦꢶ ꢒꢾꢬꢶ ꢒꢵꢪ꣄ꢒꢾꢡ꣄ꢡꢶꢥꢸꢒ꣄ ꢣꢿꢡ꣄ꢡꢾ ꢒꢵꢪ꣄ .. ꢂꢖ꣄ꢔꢸꢥ꣄ ꢪꢷ ꢒꢵꢫ꣄ ꢒꢵꢫ꣄ ꢒꢾꢬ꣄ꢥꣁ ꢯꢿꢫꢷ?

ꢃꢰꢵ: ꢣꢣꢵ !

ꢣꢵꢱ꣄: ꢒꢵꢫꢪ꣄ꢨꣁ ?

ꢃꢰꢵ: ꢲꢥ꣄ꢥꢮ꣄ ꢣꢿꢞ꣄ ꢱꣂꢬꢸꢮꢵꢫ꣄ ꢪꢸꢭ꣄ꢭꣁ ꢦꢫꢾꢲꣂꢱꢸ, ꢂꢥ꣄ꢣꢾ ꢂꢪ꣄ꢨꣁ ꢃꢱ꣄ꢦꢡ꣄ꢡꢶꢬꢶꢪ꣄ ꢯꢿꢡ꣄ꢡꢾ ..

ꢣꢵꢱ꣄: ꢡꢶꢬꢾꢱ꣄ ꢙꢵ .. ꢂꢮꢶ ꢒꢵꢪꢹꢱ꣄  ꢲꢵꢡ꣄ ꢤꢾꢬ꣄ꢬꢶꢥꢶ ..ꢲꢥ꣄ꢥꢮ꣄ꢒꢷ ! ꢮꢷꢳ꣄ꢜꢵꢒ꣄ ꢓꢳ꣄ꢳꢸꢮꢵꢫꢶ ꣎

                       ꢂꢖ꣄ꢔꢸꢥ꣄ ꢂꢮꢫꢶ (To be continued)

Kaamkettin  ꢒꢵꢪ꣄ꢒꢾꢡ꣄ꢡꢶꢥ꣄ By M.S.Ramani. (5)

ꢣꢾꢒ꣄ꢒꢶꢥꢶ - ꣓

(ꢦꢵꢡ꣄ꢬꢵꢥ꣄:  ꢣꢵꢱ꣄,  ꢆꢰꢵ, ꢃꢰꢵ)

ꢣꢵꢱ꣄: ꢒꢵꢫ꣄ ! ꢂꢖ꣄ꢔꢸꢥ꣄ ꢒꣁꢥ꣄ꢥꢶ ꢲꣁꢫ꣄ꢬꢴꢵꢥꢵ ꢱꣂꢥ꣄ ꢯꢿ…

ꢪꣁꢒꣁ ꢕꢾꢞꢶ ꢲꣂꢬ꣄ꢡ꣄ꢡꢾ ꢥꢴꢵꢫꢷ !ꢒꣂꢜ꣄ ꢯꢿ ꢡꢾꢥꣁ  ꢃꢰꢵ..

ꢆꢰꢵ: ꢪꢷ ꢂꢡ꣄ꢡꣂꢱ꣄ ꢲꢸꢜꢶꢡ꣄ꢡꢾ ! ꢒꣂꢜ꣄ ꢯꢿ .. ꢡꢾꢥꣁ ꢂꢖ꣄ꢔꢸꢥ꣄ ꢂꢮ꣄ꢬꢴꢵꢥꢵ ꢱꣁꢒꢥ꣄ ꢯꢿꢥꢵ !

ꢣꢵꢱ꣄: ꢱꢾꢬ꣄ꢒ꣄ꢒꢱ꣄.  ꢪꢷ ꢜꢶꢦꢥ꣄ ꢒꢾꢬꢶ ꢲꣁꢫ꣄ꢫꢶꢬ꣄ꢬꢴꢵꢫ꣄ ꢪꢾꢭ꣄ꢭꢿꢡ꣄ ꢯꢿ.. ꢡꢾꢒꢸꢬ꣄ꢗꢷꢱ꣄ ꢕꣁꢪ꣄ꢪꣁ ꢏꢠ꣄ꢡꢾ ꢪꢴꣁꢜ꣄ꢜꢵꢭ꣄ꢥꢸ ꢬꢴꢥꣁ ꢪꢾꢥꢬꢵꢡ꣄ꢡꢾ .. ꢡꢾꢥꢸ ꢬꢴꢶꢫꢾꢡ꣄, ꢡꢹ ꢄꢒ꣄ꢒꣁ ꢕꢾꢞꢶ ꢡꢳꢶ ꢲꢸꢜꢡ꣄ꢡꢒ꣄ ꢪꢸꢱꣀꢒꢷ? ꢕꢾꢠ꣄ꢜꣁ ꢄꢒ꣄ꢒꣁ? ꢃꢜ꣄ꢥꢴꢣ꣄ꢣꢸ ꣎

(ꢃꢰꢵ ꢂꢮꢱ꣄)

ꢃꢰꢵ: ꢨꢾꢫ꣄.. ꢲꢶꢥ꣄ꢣꣁ ꢬꣁꢮ꣄ꢮꣁ ꢕꢾꢞꢶ ꢲꣁꢫ꣄ꢫꣁ..

ꢆꢰꢵ:  ꢍꢜꢵꢮꢶ .. ꢄꢒ꣄ꢒꣁ ꢕꢾꢞꢶ  ꢡꢳꢶ ꢂꢮꢬꢶꢱ꣄ꢥꢵ .. ꢒꢵꢫ꣄ ꢪꢾꢥꢶ ꢲꢮ꣄ꢜꢶꢭ꣄ꢬꢶꢡ꣄ꢡꢾ?

ꢃꢰꢵ: ꢂꢡ꣄ꢡꢾꢖ꣄ꢔꢸꢜ꣄ ꢱꢾꢠꢪ꣄ ꢂꢮ꣄ꢞꢸꢱ꣄ ꢨꢾꢫ꣄..

ꢆꢰꢵ: ꢂꢡ꣄ꢡꣁ ꢂꢮꢾꢫꢾꢒꣁ ꢱꢖ꣄ꢔꢶ… ꢡꢾꢥꢸ ꢒꢵꢪꢸ ꢙꢵꢡ꣄ꢡꢒ꣄ ꢕꢾꢞꢶ ꢲꣂꢬꢱꢶ … ꢡꢹ ꢂꢡ꣄ꢡꢾꢖ꣄ꢔꢸꢜ꣄ ꢗꢸꢭ꣄ꢭꣁ ꢦꢾꢮ꣄ꢜꢶ ꢓꣁꢨ꣄ꢨꢵꢒ꣄ ꢲꣁꢮꢞꢶ ꢣꢿꢡ꣄ꢡꢾ?

ꢃꢰꢵ: ꢪꢷ ꢦꢫꢥꢾꢡ꣄ ꢲꣁꢫꢾꢡ꣄ꢡꢾꢬ꣄ ꢣꢣꢵꢥꢸ ꢃꢧꢷꢱꢸꢒꢹꢱ꣄ ꢭꢿꢙ꣄ꢙꢶ ꢣꢷꢞꢶ ꢂꢮ꣄ꢞꢸꢱ꣄…

ꢆꢰꢵ: ꢡꢿ ꢲꣁꢫꢾꢡ꣄ ꢡꢾꢖ꣄ꢒꣁ ꢂꢡ꣄ꢡꣁ ꢱꢸꢒ꣄ꢒꢶꢭꢿꢡ꣄ ꢙꢵ ꢪꢾꢥꢬꢶꢡ꣄ꢡꢾꢫꢷ?

ꢣꢵꢱ꣄: ꢲꣀꢮꢪ꣄ꢨꣂ .. ꢡꢹ ꢒꣁꢥ꣄ꢥꢶ ꢃꢧꢷꢱꢸꢒ꣄ꢒꢷ ꢂꢮ꣄ꢞꢸꢖ꣄ꢔꣁ.. ꢡꢿꢜ꣄ ꢯꢿꢡ꣄ꢡꢾꢥꢸ ꢱꢶꢫꢾꢡ꣄ ꢗꢵꢬ꣄ꢣꢶꢥꢸꢱꢸꢥ꣄ ꢮꢡ꣄ꢡꣁ ꢒꢾꢬꢥ꣄ ꢥꢶꢒꢸꢳ꣄ꢳꢥ꣄..ꢱꢾꢬ꣄ꢒ꣄ꢒꢱ꣄ … ꢡꣁꢒꣁ ꢒꢒꣁ ꢄꢒ꣄ꢒꢾ ꢕꢾꢞꢶ ꢲꣁꢫꢡ꣄ꢡꢾ?

ꢃꢰꢵ: ꢱꢾꢙ꣄ꢙꢾ ꢕꣁꢪ꣄ꢪꢵ ꢨꢾꢫ꣄ꢒꢸ ꢃꢖ꣄ꢔꢸ ꢱꢾꢬ꣄ꢒ꣄ꢒ ꢥꢴꢷꢡ꣄ꢡꢒ꣄ ꢱꣁꢳꣁꢨ꣄ꢧꢵꢬ꣄ ꢂꢱ꣄ꢦꢡ꣄ꢡꢶꢬꢶꢒ꣄ ꢨꣁꢭ꣄ꢙꢷꢬꢵꢡ꣄ꢡꢾ  ..ꢂꢥ꣄ꢣꢾ ꢨꢾꢫ꣄ ꢡꢿꢜ꣄ ꢒꢵꢪ꣄ ꢒꢾꢭ꣄ꢭꢿꢡ꣄ ꢯꢿꢡ꣄ꢡꢾ .. ꢡꢾꢥꣁ ꢪꢾꢳ꣄ꢳꣁ ꢂꢱ꣄ꢦꢡ꣄ꢡꢶꢬꢶꢒ꣄ ꢙꢿꢞꢶꢫꢲꢵꢭꢸ, ꢡꢿꢜ꣄ ꢙꢷ ꢒꢵꢪ꣄ ꢒꢾꢬꢶ ꢲꣁꢮꢜ꣄ꢜꢶ ꢍꢜ꣄ ꢂꢮꢬꢶꢡ꣄ꢡꢾ..

ꢆꢰꢵ: ꢍꢜ꣄ ꢒꢵꢪ꣄ ꢒꢾꢬꢶ ꢲꣁꢮꢜ꣄ꢜꢶ ꢡꢿꢜ꣄ ꢙꢷꢬꢴꢶꢫꢾꢡ꣄ ꢒꢵꢫ꣄?

ꢃꢰꢵ: ꢡꢾꢥꢸ ꢢꢶꢥ꣄ꢥꢣ꣄ꢣꢸ ꢱꣂ ꢬꢸꢦꢵꢫ꣄ ꢱꢪ꣄ꢨꢸꢳꣁ ꢣꢿꢬꢵꢡ꣄ꢡꢾ .. ꢡꢿꢥꢴꢵꢡ꣄ꢡꢒꢸ ꢍꢜ꣄ ꢡꢸꢪꢶ ꢲꢸꢞꢾꢡ꣄ꢡꢾꢬ꣄ ꢡꢸꢖ꣄ꢒꣁ ꢒꢵꢦ꣄ꢦꢶ ꢒꢾꢬꢶ ꢣꢶꢫꢾꢡꢷꢱ꣄ ꢪꣁꢬ꣄ ꢒꢵꢪ꣄ ꢲꣂꢫ꣄ .. ꢡꢸꢪꢶ ꢲꢸꢞꢡ꣄ꢡꢒꢹꢱ꣄ ꢃꢜ꣄ ꢕꢾꢠ꣄ꢜꣁ ꢲꣁꢭ꣄ꢭꢾ ꢲꣁꢫ꣄ꢫꢵꢬꢱꢶ, ꢡꢾꢒ ꢧꢭ꣄ꢗꢵꢡꢸ ꢪꢷ ꢡꢿꢜ꣄ ꢙꢵꢡ꣄ꢡꢒ꣄ ꢱꢾꢬ꣄ꢒ꣄ꢒꣁ ꢂꢮꢫ꣄ꢒꢷ?  ꢱꢾꢙ꣄ꢙꢾ ꢕꣁꢪ꣄ꢪꢵ ꢣꢣꢵ ꢱꢵꢣꢸꢥꢴꢣ꣄ꢣꢸ ꢕꢾꢠ꣄ꢜꢵꢒꢹꢱ꣄ ꢂꢖ꣄ꢔꢶꢞꢶ ꢲꢸꢜ꣄ꢜꢸꢒꢥ꣄…

ꢣꢵꢱ꣄: ꢎꢒꢶꢭꢿ .. ꢡꣁꢒꣁ ꢂꢮ꣄ꢬꢾ ꢪꣁꢣꢸꢬꢳꢶꢦ꣄ꢦꢥ꣄ ꢒꣁꢖ꣄ꢒꢶꢥꢵꢒꢹꢱ꣄ ꢂꢮ꣄ꢥꢵ .. ꢃꢰꢵ, ꢱꢾꢙ꣄ꢙꢾ ꢕꣁꢪ꣄ꢪꢵ ꢨꢾꢫ꣄ꢒ꣄ ꢒꢵꢫ꣄ ꢲꣁꢫ꣄ꢬꢡ꣄ꢡꢾ?

ꢃꢰꢵ: ꢲꢿꢪ꣄ꢪꢸ ꢣꢸꢮ꣄ꢥꣁ ꢪꢾꢥꢵ..

ꢣꢵꢱ꣄: ꢱꢾꢬ꣄ꢒ꣄ꢒꣁ ! ꢡꢹ ꢙꢵ .. ꢥꢶꢱ꣄ꢡꣁ ꢒꢵꢦ꣄ꢦꢶꢡꢷ ꢒꢾꢬꢶ ꢲꣁꢮꢵꢜ꣄ꢙꢵ.. ꢦꢷꢡꢶ ꢙꢮꢸꢱ꣄

(ꢃꢰꢵ ꢩꢶꢡ꣄ꢡꢬ꣄ ꢙꢵꢱ꣄)

        ꢂꢖ꣄ꢔꢸꢥꢮꢫ꣄ ꣎   To be continued.

Kaamkettin  ꢒꢵꢪ꣄ꢒꢾꢡ꣄ꢡꢶꢥ꣄ By M.S.Ramani. (6)

ꢣꢵꢱ꣄: ꢡꢹ ꢓꣁꢨ꣄ꢨꢵꢒ꣄ ꢂꢱ꣄ꢦꢡ꣄ꢡꢶꢬꢶꢒ꣄ ꢙꢵꢡ꣄ꢡꢾ?

ꢆꢰꢵ:  ꢒꢒꣁ? ꢪꣁꢒꣁ ꢒꢵꢫ꣄ ꢲꣁꢫ꣄ꢫꣁ ꢂꢡ꣄ꢡꣁ?

ꢣꢵꢱ꣄: ꢱꢾꢙ꣄ꢙꢾ ꢕꣁꢪ꣄ꢪꢵ ꢨꢾꢫ꣄ ꢙꢷꢬꢵꢱ꣄ꢥꢵ ! ꢡꢾꢖ꣄ꢒꣁ ꢱꣁꢒꢥꢹꢱ꣄ ꢡꢹ ꢬꢴꢥꣁ ꢪꢾꢥ꣄ꢬꢶꢡ꣄ꢡꢾ.  ꢡꢾꢥꢸ  ꢏꢫ꣄ꢣꢦ꣄ꢦꢥ꣄ ꢮꢿꢱ꣄ ꢒꢾꢬꢾꢡ꣄ ꢡꢹ ꢒꢾꢬꢡ꣄ꢡ ꢥꣁꢒ꣄ꢒꣁꢫꢷ?  ꢗꣁꢒ꣄ꢒꢜ꣄ ꢲꢜ꣄ꢮꢥ꣄ ꢢꣁꢮ꣄ꢭꢿ … ꢒꢵꢪ꣄ ꢒꢾꢥ꣄ꢥꢵꢡ꣄ꢡꢒ꣄ ꢨꢶꢱꢶꢬꢴꢶꢫꢾꢡꢶ  … ꢄꢱꣂꢱ꣄  ꢲꢿꢪ꣄ꢪꢸ ꢣꢸꢮ꣄ꢥꣁ .. ꢦꢵꢫꢶꢛ꣄ꢣꢸꢮ꣄ꢥꣁ  ꢪꢾꢥꢶ ꢃꢖ꣄ꢔꢸ ꢂꢱ꣄ꢒꣁ ꢬꣂꢒ꣄ ꢂꢮ꣄ꢞꢫ꣄ !

(ꢃꢰꢵ ꢂꢮꢱ꣄)

ꢃꢰꢵ: ꢨꢾꢫ꣄ .. ꢗꢸꢭ꣄ꢭꣁ ꢭꢒꢞꢡ꣄ꢡꢒ꣄ ꢣꢶꢮꢬꢪ꣄ꢦꢥꢷꢱ꣄  ꢥꢴꢷ, ꢱꢾꢙ꣄ꢙꢶꢬꢿꢱ꣄ ꣎

ꢣꢵꢱ꣄: ꢚꢸꢒ꣄ꢒꢸ ꢗꣁꢒ꣄ꢒꢜ꣄ ꢒꢵꢪ꣄ !

ꢆꢰꢵ: ꢱꢾꢙ꣄ꢙꣁ ꢪꢾꢥꢶ ꢒꢵꢭꢹꢱ꣄ ꢱꢖ꣄ꢔꢶꢬꢴꢵꢡ꣄ꢡꢒ꣄ ꢒꢵꢫ꣄?

ꢃꢰꢵ: ꢪꢷ ꢱꢖ꣄ꢔꢸꢥꣁ ꢪꢾꢥꢷꢱ꣄  ꢲꣁꢣꢶꢡ꣄ꢡꢾ ..ꢡꢾꢒ ꢩꢶꢡ꣄ꢡꢬꢸꢪ꣄ ꢡꢸꢪꢶ ꢥꢶꢛ꣄ꢙꢶꢭ꣄ꢞꢶ ꢲꣁꢡꢵꢱ꣄ ꣎ ꢪꣁꢒꢒ꣄ꢒꢷ  ꢲꢮ꣄ꢜꢥ꣄ ꢙꢿꢞꢶꢫꣁ …

ꢆꢰꢵꢳ꣄  ꢪ꣄ꢪ꣄.. ꢒꢵꢪ꣄ ꢒꢾꢡ꣄ꢡꢶꢥ꣄ ꢢꣁꢮ꣄ꢭꢶꢫꢵꢱ꣄ ꢪꢾꢥꢶ ꢮꢡ꣄ꢡꣂꢱ꣄.. ꢬꣁꢮ꣄ꢮ ꢪꢾꢳ꣄ꢳꣁ ꢥꢶꢪ꣄ꢪꢳ꣄ ꢣꢾꢒ꣄ꢒꢵꢥꢶ ꣎

ꢣꢵꢱ꣄: ꢱꢾꢬ꣄ꢒ꣄ꢒꣁ … ꢪꢷ ꢮꢵꢜꢸꢪ꣄ ꢒꢵꢦ꣄ꢦꢶ ꢒꢾꢬ꣄ꢭꢶꢙꢮꢸꢱ꣄ ..ꢣꢷ ꢡꢾꢥꢸ ꢪꢶꢳꢶ ꢣꢸꢩꢵꢬꢶ ꢩꢵꢡ꣄ꢡꢷ ꢲꣁꢮꢞꢶ ꢢꣁꢮ꣄ꢥ꣄ꢒꢷ ? ꢥꢴꢷ, ꢄꢱꣂꢱ꣄ ꢱꢸꢒ꣄ꢒꢶꢭꢿ ꢙꢥꣁ ꢦꣁꢞꢫ꣄ꢒꢷ?

(ꢣꢵꢱ꣄ ꢥꢶꢒꢸꢳꢱ꣄) ꢂꢖ꣄ꢔꢸꢥ꣄ ꢂꢮꢫ꣄    (To be continued)

kaamkettin (3) காம்கெத்தின் By M.S.Ramani.

Kaamkettin  ꢒꢵꢪ꣄ꢒꢾꢡ꣄ꢡꢶꢥ꣄ By M.S.Ramani. (3)

ꢬꢿꢞꢶꢫꣂ: “ꢂꢒꢵꢰ꣄ꢮꢵꢠꢶ… ꢱꢪꢵꢗ꣄ꢗꢵꢬ꣄  ꢮꢗꢸꢥꢵꢬ꣄   ꢒꢵꢳꢶꢣꢵꢱ꣄ ꢬꢵꢪ꣄ꢒꢸꢪꢵꢬ꣄ ꣎ ꢱ꣄ꢬꢷꢭꢖ꣄ꢒꢵ ꢬꢵꢙꢵꢖ꣄ꢔꢸ ꢔꢵꢪ꣄ꢩꢶꢡ꣄ꢡꢬ꣄ ꢱꢿꢡ꣄ꢡꢾ ꢫꢵꢳ꣄ꢦꢵꢠꢪꢸꢒꢸ ꢲꢥ꣄ꢥꢮꢵꢣꢵꢬ꣄ ꢥꢶꢳ꣄ꢗꢜ꣄ꢜꢶꢬꢶꢫꣁ ꢤꢾꢬꢶ ꢩꢵꢬꢡ ꢦ꣄ꢬꢢꢪ ꢪꢥ꣄ꢡ꣄ꢬꢶ ꢗꢹꢒ꣄ ꢱꢖ꣄ꢔꢶꢬꢵꢱ꣄..   ꢦꢛ꣄ꢙꢵꢨꢸꢪ꣄ ꢲꢶꢥ꣄ꢣꣁ ꢔꢸꢬꢸꢣ꣄ꢮꢵꢬꢵ ꢭꢾꢔꢸꢡ꣄ꢡꣁ ꢗꢭꢾ ꢪꢭ꣄ꢭꢶꢥꢶꢪꢸ ..ꢱꢾꢮ꣄ꢒꢭ꣄ꢥꢸ ꢭꢮꢾ ꢲꢵꢭ꣄ ꢢꢷꢥ꣄ꢡꢾꢥꢸ ꢪꣁꢬ꣄ꢬꢵꢱ꣄ … ꢂꢪꢾꢬꢶꢒ꣄ꢒ, ꢎꢣꢸꢥ꣄ ꢡꢫꢵꢬ꣄ ꢒꢾꢬ꣄ꢥꢶꢪ꣄ ꢲꢳ꣄ꢳꢸ ꢒꢾꢬ꣄ꢭꢸꢥꣁ ꢪꢾꢥꢶ ꢱꣂꢮꢶꢫꢡ꣄ ꢂꢕ꣄ꢬꢵꢱꢥꢬ꣄…”

ꢆꢰꢵ: ꢧꢸꢙ꣄ꢙꢵꢫ꣄  ..ꢪꢬ꣄ꢗꢶ ꢔꢷꢡ꣄ ꢢꣁꢮꣁ  ..ꢓꣁꢨ꣄ꢨꣁ ꢱꢶꢫꢾꢡ꣄ ꢮꢡ꣄ꢡꣁ … ꢮꢡ꣄ꢡꣁ … ꢮꢡ꣄ꢡꣂꢱ꣄ ꣎

ꢣꢵꢱ꣄: ꢔꢵꢪꢸ ꢭꢮ꣄ꢒꢵꢱ꣄ ꢒꢳꣀꢭꢛ꣄ꢙꢵꢬꢶꢡ꣄ꢡꢫꢷ ꢂꢪ꣄ꢨꣂ ..ꢔꢷꢡ꣄ ꢎꢒꢶꢭꢿꢡ꣄ꢬꢵ ꣎ ꢩꢸꢭꣂꢒꢸ ꢭꢮ꣄ꢒꢵꢱ꣄ ꢒꢳꢫ꣄ꢫꢵꢫ꣄ ꣎ ꢪꣁꢒꣁ ꢕꢾꢞꢶ ꢲꣁꢫ꣄ꢫꢵꢬꢾꢱ꣄.. ꢙꢷ ꢂꢮꢸꢱ꣄ ꣎

ꢣꢾꢒ꣄ꢒꢶꢥꢶ - ꣒

ꢣꢵꢱ꣄: ꢒꣂꢜ꣄ ꢙꢿꢞ꣄ꢬꢶꢡ꣄ꢡꢾ ꢌꢥꣁ? ꢍꢜ꣄ ꢪꣁꢒꣁ ꢒꢵꢪꢸꢒ꣄ ꢙꢵꢡ꣄ꢡꢒ꣄ ꢕꢾꢞꢶ ꢲꣂꢬꢾꢱꢶ … ꢱꢾꢬ꣄ꢒꣁ ꢲꣁꢫꢾ ꢕꢾꢞꢶ  ꢱꢷ ꢣꢾꢒ꣄ꢒꢵꢥꢵꢡ꣄ꢡꢒ꣄ ꢲꣁꢫ꣄ꢫꢵꢱ꣄ … ꢒꢵꢦ꣄ꢦꢶ,  ꢂꢪꢷꢱ꣄ ꢒꢾꢬꢶ ꢦꢷꢡꢶ ꢙꢥ꣄ꢱꢿꢡ꣄ꢡꢿꢱ꣄ ꣎

(ꢒꢵꢦ꣄ꢦꢶ ꢒꢾꢬꢱ꣄ .. ꢡꢿꢮꢿꢳꣁ ꢏꢠ꣄ꢜꢾ ꢥꣁꢮ꣄ꢮꣁ ꢨꢾꢜ꣄ꢒꢶ  ꢂꢮꢱ꣄)

ꢥꣁꢮ꣄ꢮꣁ ꢨꢾꢜ꣄ꢒꢶ:  ꢨꢾꢫ꣄ ! ꢆꢰꢵ ꢨꢾꢫ꣄ !!

ꢣꢵꢱ꣄: ꢆꢰꢵ,  ꢩꢬꢵꢜ꣄ ꢙꢷꢬꢶꢱꢶ .. ꢂꢡ꣄ꢡꣁ ꢂꢮ꣄ꢞꢫ꣄ .. ꢨꢶꢱꣁ ꣎

ꢥꣁ.ꢨꢾꢜ꣄ꢒꢶ: ꢕꢿꢬ꣄ ꢂꢮꢶ ꢮꢡ꣄ꢡꣁ ꢒꢾꢬ꣄ꢭꢸꢥꣁ,  ꢪꢾꢥꢵꢡ꣄ꢡꢾ .. ꢬꢴꢵꢥ꣄ꢣꢒ꣄ ꣎ ꢡꢿ ꢧ꣄ꢭ꣄ꢗꢵꢡ꣄ ꢂꢮꢶ ꢣꢾꢒ꣄ꢒꢸꢱ꣄..

ꢣꢵꢱ꣄: ꢥꣁꢒ꣄ꢒꣁ ꢥꣁꢒ꣄ꢒꣁ .. ꢂꢡ꣄ꢡꣁ ꢂꢮ꣄ꢞꢫ꣄ ꢡꢾꢥꣁ .. ꢂꢮꢾꢡ꣄ꢡꢬꢹꢱ꣄ ꢪꢷ ꢒꢵꢪꢸꢒ꣄ ꢙꢥꣁ .. ꢨꢶꢱꣁ .. ꢒꢵꢦ꣄ꢦꢶ ꢦꢿꢱꢸꢥ꣄ꢒꢷ.. ꢣꢹꢡ꣄ ꢦꢿꢱꢸꢥ꣄ꢒꢷ?

ꢥꣁ.ꢨꢾꢜ꣄ꢒꢶ: ꢡꢿ ꢂꢱ꣄ꢒꢶ ꢥꣁꢒ꣄ꢒꣁ ꣎

ꢣꢵꢱ꣄: ꢪꣁꢒ꣄ ꢒꢳꢫꢶ ꢡꢸꢪꢶ ꢂꢡ꣄ꢡꣂꢱ꣄ ꢂꢥ꣄ꢣꢾ ꢕꢿꢬ꣄ ꢂꢮ꣄ꢬꢵꢡ꣄ꢡꢾ. ꢒꣂꢥꢡꢶ ꢦꢶꢫꢾꢡꢷꢱ꣄ ꢪꣁꢒꣁ ꢱꢾꢬ꣄ꢒ꣄ꢒꣁ ꢭꢔꢫ꣄.. ꢤꢾꢬꣁ ꢒꢵꢦ꣄ꢦꢶ ꣎

ꢥꣁ.ꢨꢾꢜ꣄ꢒꢶ:  ꢣꢣꢵ .. ꢪꢷ ꢱꢖ꣄ꢔꢬꢫꢾ꣄..

ꢣꢵꢱ꣄: ꢡꢸꢪꢶ ꢒꣁꢥ꣄ꢥꢶ ꢱꢖ꣄ꢔꢸꢥꢖ꣄ꢔꢥ꣄ .. ꢓꢳ꣄ꢳꢸꢮꣁ  ..ꢆꢰꢵ ꢂꢮꢾꢡ꣄ ꢬꢮꢸꢥ꣄ꢗꢸꢭ꣄ꢛ꣄ꢙꢵꢱ꣄ ꣎ ꢪꣁꢬ꣄ ꢱꢶꢖ꣄ꢔꢣꢶꢒ꣄ ꢒꢒꣁ ꢔꣃꢛ꣄ꢗꢵꢥꢶ ꢪꢾꢥꢶ .. ꢔꣂꢱ꣄ ꢦꢾꢮꣂ …ꢪꢭ꣄ꢗꢬꢵꢥ꣄ꢥꢵ ..       (ꢨꢾꢜ꣄ꢒꢶ ꢒꢵꢦ꣄ꢦꢶ ꢦꢿꢱ꣄)

ꢤꢾꢬꣁ … ꢡꢸꢪꢶ ꢥꢒꢭ꣄ꢦꢵꢥ꣄ ꢡꢒꢥ꣄ꢒꢷ , ꢡꣀꢥꢵꢥ꣄ꢒꢷ,  ꢪꢬ꣄ꢫꢵꢡꢸꢒ꣄ ꢂꢥꢶ ꢢꣁꢮ꣄ꢬꢡ꣄ꢡꢾ ꣎              (ꢆꢰꢵ ꢂꢮꢱ꣄)

ꢣꢵꢱ꣄: ꢒꣂꢜ꣄ ꢙꢿꢞꢶꢡ꣄ꢡꢾ? ꢌꢥꢸ ꢓꣁꢨ꣄ꢨꣁ ꢡꣁꢒꣁ ꢬꢴꢒ꣄ꢒꢶꢭꢿꢡ꣄ ꢨꢶꢱꢶꢬꢵꢡ꣄ꢡꢾ?

ꢆꢰꢵ:  ꢒꢵꢫ꣄ꢮꢵ .. ꢂꢮꢶ ꢨꢶꢱꢶꢭ꣄ꢞꢶꢡ꣄ꢡꢾ? ꢱꢖ꣄ꢔꢶꢡꢶ, ꢡꣁꢬ ꢒꢵꢪꢸꢥ꣄ ꢱꢥꣁꢯꢿꢡ꣄ꢡꢿꢱ꣄ꢥꢵ?

ꢥꣁ.ꢨꢾꢜ꣄ꢒꢶ” ꢡꢸꢪꢶ ꢂꢮꢡ꣄ꢡꢶꢒ꣄ꢒꢵꢪ꣄ ꢱꢪ꣄ꢨꢸꢳꣁ ꢮꢡ꣄ꢡꣁ ꢒꢾꢭ꣄ꢭꢶ ..

ꢆꢰꢵ: ꢒꢵꢫ꣄ ꢱꢪ꣄ꢨꢸꢳꣁ? ꢂꢱ꣄ꢒꢶꢡꢿꢜ꣄ ꢣꢿꢬꢾꢫꢾ ꢂꢪꢶ ꢣꢿꢛ꣄ꢙꢵꢱꢸꢥꢸ ꣎

ꢣꢵꢱ꣄: ꢒꢵꢫꢾ ! ꢱꢪ꣄ꢨꢸꢳꣁ , ꢒꢵꢪꢸ ꢪꢾꢥꢶ ꢮꢡ꣄ꢡꣁ ꢒꢾꢭ꣄ꢭꢬꢵꢡ꣄ꢡꢾ?

ꢆꢰꢵ: ꢌꢥꣁ .. ꢂꢪ꣄ꢣꢾ ꢕꣁꢪ꣄ꢪꢵ ꢒꢵꢪ꣄ꢒꢾꢡ꣄ꢡꢶꢥ꣄ ..ꢲꢶꢥ꣄ꢣꣁꢬꢴꢷ ꢒꢵꢪꢸꢒ꣄꣄ ꢃꢮ꣄ ꢪꢾꢥ꣄ꢬꢶꢡ꣄ꢡꢾ..                    (angun avayi)